Barnaba
Barnaba | |
---|---|
![]() | |
Sexo | mascule |
Nascentia | 1st century (Salamis) |
Decesso | 61 (Salamis) |
Causa de decesso | death by burning[*] |
Loco de reposo | Cyprus[*] |
Occupation | presbytero[*] |
Religion | Christianismo |
Lingua | lingua grec ancian |
Identificatores | |
ISNI | 0000000387005666 |
VIAF | 279907297, 548159474324627662704, 42870372, 157840028, 44152380039601760908, 163145857103522922352, 203008076 |
Commons | Saint Barnabas |
![](http://178.128.105.246/content-http-upload.wikimedia.org/wikipedia/commons/thumb/7/70/Mafra34.jpg/220px-Mafra34.jpg)
Barnaba esseva judeo ex le israelita tribo de Levi, ma con su familia non viveva in Judea, ma sur le insula mediterranee Cypro. Secundo le lista de apostolos de Jesus in le libro Actos del Apostolos (4,36)[1] de Nove Testamento ille de plus habeva le secunde nomine Joseph . Barnaba es plure vices mentionate in le Nove Testamento, ultra in le libro Actos del Apostolos anque in le Epistola 1 al Corinthios[2] e le Epistola al Galatas [3]. Secundo traditiones christian plus tardive on absolutemente contava le al discipulos e apostolos de Jesus, ma non al dece-duo apostolos clave. Secundo le legendas christian ille predicava in Roma, esseva episcopo in Milan e baptisava le sequente papa Clemente de Roma.
Secundo le actos apocryphe de Barnaba, ille moriva como martyre sur le insula Cypro, ubi ille es considerate un sancto national.
Vita e fontes documentari
[modificar | modificar fonte]Secundo le indication del historia apostolic de Luca, Barnaba esseva un membro del prime communitate christian in Jerusalem, lo que ille supportava per le capital acquirite a causa de vendita de benes. Secundo le mesme libro (9,27) ille sollicitava pro acceptation de Paulo de Tarso inter le apostolos de Jerusalem. Del puncto de vista contemporanee e scientific totevia il es dubitose esque isto es veritate historic. Secundo duo fragmentos del libro Actos del Apostolos (11,22-30 e 13,1)[4] [5] ille principalmente missionava christianmente in Antiochia. In le local communitate de christianos jedee e non-jedee ille age conjunctemente con Petro e Paulo, le que ille ipse hic introduce. Secundo le capitulo 13 e 14 del libro il es reportate, que ille accompaniante de Paulo faceva un viage missionari trans Cypro e le Asia Minor del sud. Securmente Barnaba esseva inter le ducente prime missionarios christian. Ille anque esseva inter le participantes del concilio apostolic de Jerusalem (compara le fragmento del Actos del Apostolos 15,1-5[6] e le epistola de Paulo al Galatas 2,1-10[7]).
Le Nove Testamento anque reporta super conflictos inter Barnaba e Paulo: De un latere tractava super le possibilitate de juncte dinar de christianos jedee e non-jedee in Antiochia (epistola de Paulo al Galatas 2,11-13). Del altere latere, un altercation tractava super le portar del evangelista Marco in plus viage missionari (Actos del Apostolos 15,36-41).
Antique legendas christian reporta super le cura de patientes per Barnaba a fortia de illo, que ille poneva sur illos le evangelio secundo Mattheo. Le si-nominate "epistola de Barnaba" plus probabilemente non es de Barnaba, a causa que illo disveloppava solmente durante le prime medietate del seculo 2. Aquelle texto porta interpretationes non habitual del Vetule Testamento (allegorias) e polemica contra le judaismo. Le antique christian scriptor Tertulliano supponeva, que le Epistola al Hebreos esserea scribite per Barnaba. In le apocryphe actos de Barnaba on reporta super le viages missionari de Barnaba usque su morte como martyre sur le insula Cypro - le obra veni del seculo 6. Le si-nominate "evangelio secundo Barnaba" solmente disveloppava durante le seculo 14 usque le 16, ma in polemica islamic contra le christianismo es estimate un citation quasi como si tractarea super un fonte historic: Aquelle "evangelio" propaga Mahomet como le ver propheta e Jesus como un preparante de su cammino, que non moriva per crucifixion e non esseva le filio de Deo.
Le facto, que solmente multo pauc ecclesias e monasterios christian es nominate secundo Barnaba, probabilemente illo is debite al facto, que in le Nove Testamento ille es presentate multo in le umbra del brillante apostolo Paulo. Totevia il existe un ordine monastic de "barnabitas", que es nominate secundo ecclesia de Barnaba.
In imagines christian on usualmente monstra le sancto con le Evangelio secundo Mattheo e con petra. Locos, ubi on trova ecclesias christian con reliquias de Barnaba, es Milan (Italia), Praga (Chechia), Namur (Belgica), Colonia e Andechs (Germania) e le insula Cypro.
Le sancto es le patrono del citates Milan, Florentia e Logroño. De plus ille es considerate le patrono del professiones de barrileros e texitores.
Die del memoria
[modificar | modificar fonte]Le die del memoria catholic, protestante e anglican del sancto es le 11 de junio.
Referentias
[modificar | modificar fonte]- ↑ Essayos de traduction del Biblia per Paolo Castellina Actos del Apostolos, Capitulo 4
- ↑ Essayos de traduction del Biblia per Paolo Castellina Prime Epistola del Apostolo Sancte Paulo al Corinthios
- ↑ Essayos de traduction del Biblia per Paolo Castellina Epistola del Apostolo Sancte Paulo al Galatas
- ↑ Essayos de traduction del Biblia per Paolo Castellina Actos del Apostolos, Capitulo 11
- ↑ Essayos de traduction del Biblia per Paolo Castellina Actos del Apostolos, Capitulo 13
- ↑ Essayos de traduction del Biblia per Paolo Castellina Actos del Apostolos, Capitulo 15
- ↑ Essayos de traduction del Biblia per Paolo Castellina Epistola del Apostolo Sancte Paulo al Galatas
Ligamines externe
[modificar | modificar fonte]- (anglese) Who is St Barnabas? Archived 2008-07-08 at the Wayback Machine
- (espaniol) Intervención de Benedicto XVI durante la audiencia general en la que presentó la figura de San Bernabé, San Silas y Apolo Archived 2008-09-26 at the Wayback Machine
- (germano) Hinweise zu Stadlers „Heiligen-Lexikon” Barnabas
- (germano) Ökumenisches Heiligenlexikon Barnabas