Saturno (deo)
Saturno |
---|
instantia de: time and fate deity[*], agricultural deity[*], deitate roman[*] |
![]() ![]() |
|
Commons: Saturnus (deus) |
Saturno es un deo agrari del mythologia roman. Le romanos le identificava con le Cronos grec, sed lor attributos non esseva le mesmo. Tacito identificava Saturno anque con le deo supreme del judeos.[1] Le deo Ba'al Hammon, adorate per le carthaginesos, esseva cognoscite al romanos como le Saturno african.
Le poeta latin Ennio ha modificate le mytho grec de maniera que Saturno non habeva devorate su progenie, al contrario de Hesiodo. Plus tosto, su sposa Ops habeva filiate un serie de geminos – Juno e Jupiter, Glauca e Pluton – e celate le masculos, que solmente esseva in periculo. Saturno e Ops esseva posteriormente imprisionate per lor fratre Titan, e debeva attender le guerra de Jupiter attinger lor liberation. Jupiter ha restituite Saturno super le throno del celo, sed iste ha comenciate a conspirar contra ille, e Jupiter le ha deponite.[2] Saturno ha devenite le patre del centauro sapiente Chiron per Philyra.[3]
![](http://178.128.105.246/content-http-upload.wikimedia.org/wikipedia/commons/thumb/0/03/Tavares.Forum.Romanum.redux.jpg/220px-Tavares.Forum.Romanum.redux.jpg)
Depost su subversion, Saturno se ha refugiate in Italia, secundo altere poetas latin.[4] Hic ille incontra a Jano (deo de comenciamentos, Chaos in grec), con qui ille initiava le Etate de auro. Omne homines esseva equal, e un abundantia de benes esseva disponibile a omnes in commun. Saturno ha etiam inseniate al italianos le arte de cultivar le terra. Ille ha in Latio ingenerate su ultime filio, Pico, patre de Fauno e ancestre del reges de Latio. Saturno se ha occultate; pro commemorar su regno, Jano ha erigite un templo in su honor e comenciate le celebration de Saturnales.[5]
Saturno presideva super le planeta Saturno e le die del sabbato.
Referentias
[modificar | modificar fonte]- ↑ Tacito. Historias V.4.
- ↑ Ennio, citate per Lactantio, Institutiones Divin I.14 Archived 2016-03-03 at the Wayback Machine.
- ↑ Ovidio, Fasti. Pseudo-Hygino, Fabulas, prefacio.
- ↑ Ovidio, Fasti; Vergilio, Eneide.
- ↑ Macrobio Saturnales i.7; Arnob. iv.24; Ovidio, Fasti i.238.
|