Chang Myon
Chang Myon | |
---|---|
![]() Ni Chang Myon | |
Dagiti salaysay | |
Nayanak | Agosto 28, 1899 ![]() Incheon ![]() |
Natay | Hunio 4, 1966 ![]() (tawen 66) Seoul ![]() |
Trabaho | Diplomatiko, manursuro, periodista, politiko ![]() |
NI Chang Myon (hangul: 장면; hanja: 張勉; Agosto 28, 1899 – Hunio 4, 1966) ket maysa idi nga Abagatan a Koreano nga estadista, mannuro, diplomatiko, periodista ken aktibista iti sosial ken maysa pay nga aktibista iti agtutbo iti Romano Katoliko. Isu idi ti naudi a Bise Presidente ti Abagatan a Korea ken ti Kangrunaan a Ministro ti Maikadua a Republika. Ti naestilo a naganna (ho) ket Unseok (운석, 雲石). Ti Ingles a naganna ket John Chang Myon (nakabunyagan a nagan, apelyido, naited a nagan).
Babaen ti turay ti Hapon, nagtrabaho ni Chang a kas manursuro. Manipud idi 1919–21, nagisuro idiay Yongsan Youth Catholic Theology School ken manipud idi 1931–36 iti Dongsung Commerce High School. Manipud idi 1937–44, isu idi ti prisipal ti Hyehwa Kindergarten ti Katoliko a Simbaan ti Hyehwa-dong. Manipud idi 1936–45, isu idi ti prinsipal ti Dongsung Commerce High School.
Idi 1948, nagidaulo isuna iti delegasion ti Republika ti Korea iti Sapasap nga Asemblia ti Nagkaykaysa a Pagpagilian. Idi 1949, nagbalin isuna kas ti immuna nga embahador iti Republika ti Korea iti Estados Unidos. Idi 1950, nagballigi isuna nagapelar iti Estados Unidos ken ti Nagkaykaysa a Pagpagilian a mangipatulod kadagiti tropa a tumulong iti Gubat ti Koreano. Idi Nobiembrer 23, 1950, naidutok isuna a kas kangrunaan a ministro ti Umuna a Republika ti Korea. Manipud idi 1956 aginggana idi 1960, nagserbi isuna akas ti maikapat a bise presidente ti Umuna a Republika ti Korea.
Idi ti gobierno ni Syngman Rhee ket pinadisi babaen ti yaalsa ti nagay-ayat iti demokrasia nga indauluan ti estudiente ti Tignay ti Abril 19, nabutosan isuna a kas Kangrunaan a Ministro ti Maikadua a Republika idi 1960. Kalpasan idi inampon ti pagilian ti maysa a parlamentario a sistema a pangsungbat kadagiti panagabuso ni Rhee iti bileg ti presidente, ni Chang ket nagbali a daulo ti gobiernot. Nagpatingga ti gobierno ni Chang Myon idi nagballigi ti maysa a kudeta ti militar nga indauluan ni Park Chung-hee idi Mayo 16, 1961, a nangmarka ti patingga ti Maikadua a Republika ken ti nabiit nga ekspeimentasion ti pagilian iti porma ti gabinete a gobierno.[1]
Biag
[urnosen | urnosen ti taudan]Nasapa a biag
[urnosen | urnosen ti taudan]Nayanak ni Chang Myon idi 1899 idiay Jeokseon-dong, Hansung. Isu ti immuna nga anak a lalaki da Chang Gi-bin ken Lucia Hwang. Ti amana ket maysa nga opisial ti buis ti matgedan iti puerto ti baybay iti Incheon ken kanungpalan a nagbalin a superintendente ti aduano (Saeguanjiang) iti puerto ti baybay iti Busan. Ti naited a naganna ket Myon (면;勉).[2] Isu ket kameng idi ti Pamilia nga Indong Chang (인동장씨;仁同張氏), ken nagtaud manipud iti Jukjong Chang Cham (죽정장잠;竹亭張潛), ti maysa a nalatak a Neo-Confucianismo a pilosopo. Ti maikasiam a kaputotan nga apong a lalaki ni Chang ket nagnaed iti Probinsia ti Abagatan a Pyongan ngem ti amana ket immalis idiay Incheon.[3] Ti immuna a nagraraem iti Romano Katoliko iti pamiliana ket ti apongna a baket iti tumeng a ni Lady Park.
Idi 1906, nangrugi a nagadal isuna idiay Incheon Parkmun Primary School (인천 박문 소학교;仁川博文小學校), ken nagturpos idi 1912. Kalpasanna nagadal idiay Incheon Public Simsang Elementary School (인천 공립 심상소학교, 仁川公立尋常小學校), ken nagturpos idi 1914. Kalpasan dayta nagbasa isuna idiay Suwon Agriculture High School (수원농업고등학교, 水原農業高等學校), ken nagturpos idi Mayo 25, 1917. Idi Marso 1916, inasawana ni Kim Ok-yun. Nagannakda kadagiti innem a lallaki ken tallo a babbai.
Dagiti nagibasaran
[urnosen | urnosen ti taudan]- ^ Campaign for the past, not the future Naiyarkibo Abril 15, 2014, iti Wayback Machine Koreatimes 2012.04.05
- ^ HDagiti dua a kakabsatna a lallaki ket addaanda iti bugbugtong a karkarater iti Insik a kas dagiti naited a naganda. Amin dagiti annakna alallaki ken dagiti kaanakanna a lallaki ket addaan iti bugbugtong a karkarater iti Insik a kas dagiti naited a naganda.
- ^ Naiyanak ti amana idiay Probinsia ti Abagatan a Pyungan.
Dagiti akinruar a silpo
[urnosen | urnosen ti taudan]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
![](http://178.128.105.246/content-http-upload.wikimedia.org/wikipedia/commons/thumb/f/fa/Wikiquote-logo.svg/34px-Wikiquote-logo.svg.png)
- Kagimongan ti Pammalagip ken ni Unsuk Chang Myon (iti Koreano)
- Bariweswes (iti Koreano)
- Chang Myon Naiyarkibo 2013-01-11 iti archive.today (iti Koreano)
- Chang Myon (iti Koreano)