2001 Mars Odyssey
![](http://178.128.105.246/content-http-upload.wikimedia.org/wikipedia/commons/thumb/b/b6/Mars_Odyssey_over_South_Pole_artist_concept_%28PIA04816%29.jpg/240px-Mars_Odyssey_over_South_Pole_artist_concept_%28PIA04816%29.jpg)
2001 Mars Odyssey esas kosmosondilo di Usa en orbito cirkum Marso.
La nomo di la kosmosondilo esis tributo ad Arthur C. Clarke, qua skribis la rakonto di la filmo 2001: A Space Odyssey. Ol lansesis ye 7ma di aprilo 2001, ed arivis proxim Marso ye 24ma di oktobro; ol utiligis l'atmosfero di la planeto por reduktar olua rapideso en l'orbito e ganar cirklatra orbito. La ciencala misiono komencis ye 19ma di februaro 2002.
La skopi di la misiono esis: surveyar la quanteso di kemial elementi sur la tota surfaco di Marso: saveskar quanta hidrogeno existas proxim la surfaco; prenar detaloza imaji pri la kompozuro di minerali ye la surfaco; ganar informeso pri la morfologio di la surfaco; e saveskar la danjero por homi di la spacala radiado ye la surfaco.
L'originala misiono duris til agosto 2004, ma la misiono esis plurafoye extensata. En 2008 Mars Odyssey kompletigabis surveyado pri distributeso di aquo proxim la surfaco. Ye 15ma di decembro 2010 ol servabis plu longe kam irga altra sondilo ye Marso. Ol havas suficanta fuelo por durar til 2025.