Ayawaska
Etoso
![](http://178.128.105.246/content-http-upload.wikimedia.org/wikipedia/commons/thumb/6/60/Aya-cooking.jpg/220px-Aya-cooking.jpg)
Ayawaska (en la Hispana: ayahuasca) esas la Quechua-nomo (ed ortografio) por sud-amerikana halucigena drinkajo. La koloro esas bruna-reda e la saporo esas tre bitra. Ayawaska signifikas liano (waska) o kordo dil anmo (aya). Liano (banisteriopsis caapi) esas precipua ingrediento di la drinkajo. Indijeni en la regiono dil Amazonas uzas ca drinkajo dum yarcenti en religiala rituali. Li konsideras la drinkajo kom medikamento, exemple por kontaktar altra (dea) enti. La tradiciono di ayawaska esas difuzata de Equador en la westo, Orinoko en l'esto til Paraquay en la sud-esto.
Altra nomo (en la Hispana) esas 'la purga', en Ido: la purigo. Lo debesas a la fakto ke l'uzanto di ayawaska dum la stuporo ofte devas vomar e havas diareo.