Claude Monet
Claude Monet | ||
![]() | ||
Profesiono: | piktisto | |
Lando: | ![]() | |
Naskodato: | 14 di novembro 1840 | |
Nasko-loko: | Paris, Francia | |
Mortodato: | 5 di decembro 1926 | |
Morto-loko: | Giverny-sur-Eure, Francia | |
Claude Monet (1840 til 1926) esis Franciana piktisto, pioniro de impresionista movado.
De 1845 la familio rezidis en Le Havre en Normandia, ube ilua intereso pri piktado komencis. De 1862 Monet havis studieyo en Paris kun Pierre-Auguste Renoir ed altri.
En novembro 1872 en Le Havre, il komencis krear la pikturo Impression: soleil levant. Ol esis un de sis pikturi montranta la portuo ye diversa tempi di la jorno, por montrar la diferanta efektiguri di lumo, e ye diversa vidpunti. En aprilo 1874 ol inkluzesis en expozo en Paris. Kritikisto di arto, Louis Leroy, skribis artiklo pri l'expozo en jurnalo, kun titulo L'Exposition des Impressionnistes, en qua il opinionis ke la pikturo da Monet esas tipala exemplo di nova stilo. La vorto impressionnisme balde divenis la nomo di movado en arto.
De 1883, Monet rezidis en Giverny, ed en la lasta yari il piktis sua granda gardeno qua kontenis nenufaro-lageti.
![](http://178.128.105.246/content-http-upload.wikimedia.org/wikipedia/commons/thumb/5/5c/Claude_Monet%2C_Impression%2C_soleil_levant%2C_1872.jpg/220px-Claude_Monet%2C_Impression%2C_soleil_levant%2C_1872.jpg)