Delft
Etoso
![](http://178.128.105.246/content-http-upload.wikimedia.org/wikipedia/commons/thumb/6/68/Delft_Oude_Kerk.jpg/280px-Delft_Oude_Kerk.jpg)
![](http://178.128.105.246/content-http-upload.wikimedia.org/wikipedia/commons/thumb/c/c8/Map_-_NL_-_Municipality_code_0503_%282009%29.svg/280px-Map_-_NL_-_Municipality_code_0503_%282009%29.svg.png)
Delft esas urbo en la provinco Sudal Holando, en Nederlando.
La urbo kontenas plura kanali. Notinda kirko esas la Oude Kerk, fondita en 1246; olua turmo, depos la konstruktado, kelke inklinas.
Delft esis la hemo di la piktisto Johannes Vermeer (1632-1675).
Ye la 12ma di oktobro 1654, granda explozo eventis en Delft. Cirkume 30 tuni de fusil-pulvero acidentale explozis, en magazino en la distrikto Doelenkwartier. Plu kam 100 homi mortis e multa altri vundesis, e granda parto di Delft destruktesis. La piktisto Carel Fabritius, qua esis notinda studiinto di Rembrandt van Rijn en Amsterdam, mortis pro vunduri pos la explozo, evante 32 yari. Esas konjektata ke Fabritius esis docero di Johannes Vermeer, qua rezidis en Delft.
![](http://178.128.105.246/content-http-upload.wikimedia.org/wikipedia/commons/thumb/b/b1/Delftsedonderslag.jpg/340px-Delftsedonderslag.jpg)