Eem
![](http://178.128.105.246/content-http-upload.wikimedia.org/wikipedia/commons/thumb/1/1c/Eem_near_Eembrugge.jpg/220px-Eem_near_Eembrugge.jpg)
![](http://178.128.105.246/content-http-upload.wikimedia.org/wikipedia/commons/thumb/3/39/Koppelpoort_Amersfoort_Cropped.jpg/220px-Koppelpoort_Amersfoort_Cropped.jpg)
La Eem (olim la Amer) esas rivero en centrala Nederlando kun longeso di cirkume 18 kilometri.
La rivero nutresas da la Vallei-Kanalo e plura Veluwe-rivereti, di qui la maxim importanta esas la Heiligenberger Beek, la Barneveldse Beek e la Lunterse Beek, qui omna kunvenas en Amersfoort. La rivero lore fluas tra la Eem-Valo este de Soest, Baarn ed Eemnes, ante ekfluar aden la Eemmeer.
La Eem responsas pro granda parto dil dreno dil Gelder-Valo. Le polder dil Eem esas valoroza cenala peizaji.
Pro lando-sinko rezulte de drenado, la rivero jacas plu alte kam la cirkondanta tereno. Kande aquo-niveli baseskas dum somero, aquo pumpesas de la Nederrijn al Eem tra la Vallei-Kanalo. Pro agrokultivala poluturo qua fluas per la Eem vers la Eemmeer, ica lago esas min biologiale richa kam la altra lagi qui cirkondas Flevoland.
La Eemala interglaciala epoko nomizesas pro la Eem.