Gulfo di Tailando
![](http://178.128.105.246/content-http-upload.wikimedia.org/wikipedia/commons/thumb/b/b7/Gulf_of_Thailand.svg/280px-Gulf_of_Thailand.svg.png)
![](http://178.128.105.246/content-http-upload.wikimedia.org/wikipedia/commons/thumb/2/24/Boats_at_the_sandy_beach_of_the_Rabbit_Island_Koh_Tonsay_Cambodia.jpg/320px-Boats_at_the_sandy_beach_of_the_Rabbit_Island_Koh_Tonsay_Cambodia.jpg)
Gulfo di Tailando, anke nomizita gulfo di Siam, esas desprofunda gulfo en la Maro di Sudala Chinia, inter Malaizia, Tailando, Kambodja e Vietnam. Ol havas entote cirkume 320 mil km², kun mezavalora profundeso di 45 metri e maxima profundeso di 80 metri.
Fluvio Chao Phraya esas la precipua fluvio qua debushas an la gulfo. Ol formacas granda delto an la nordo di la gulfo, che la metropolala regiono di Bangkok. Kune fluvio Mekong, Chao Phraya transportas granda quanto di sedimenti a la gulfo di Tailando. Pro la poka profundeso di la gulfo, lua aqui esas poke saloza e movas lente. Dum la lasta glacial epoko la gulfo ne existis, e nur esis prolongo di Chao Phraya.
Pro la tropikala klimato, li havas granda quanto di koralia rifi. Ol anke havas jaceyi di petrolo e naturala gaso, e la litori di vicina landi esas multe atraktiva por turisti.