Knorr
![](http://178.128.105.246/content-http-upload.wikimedia.org/wikipedia/commons/thumb/7/78/Modell_Knorr.jpg/250px-Modell_Knorr.jpg)
Knorr o Knǫrr (pluralo: Knorr-i/Knǫrr-i o Knerrir) esas tipo di Nordalana komerco-navo uzita da la Vikingi. La knorr (Anciena Nordala: knǫrr, pluralo knerrir) konstruktesis per la sama klino-metodo kam longnavi, karv-i, e færing-i.
Historio
[redaktar | redaktar fonto]Knorr esas la vorto en l'Anciena Nordala termino por tipo di navo konstruktita por longa maro-voyaji ed uzita dum la Vikingal expanso. La knorr esis kargo-navo; la kareno esis plu larja, profunda e plu kurta kam longnavo, e povis tenar plu multa kargajo ed operacar da plu mikra bandi. Li konstruktesis kun longeso di cirkum 16 m (54 ft), trabo di 5 m (15 ft), e kareno kapabla adportar adsur 24 tuni.[ambiguo][1] Esis prime uzata por transportar vendo-kozi kom rosmaro-ivoro, lano, ligno, frumento, furo e felo, kuraso, sklavi, mielo, ed armi. Anke uzita provizar manjajo, drinkajo, armi e kuraso a militisti e vendisti alonge lia voyaji tra la Baltiko, la Mediteraneo ed altra mari. Knerrir rutine krucumis la Nord-Atlantiko adportis animali kom mutoni e kavali, e butiki a Nordala kolonii en Islando, Grenlando e Vinlando ed anke kam vendo-kozi a komerco-posteni en la insuli Britaniana, Europa kontinental e posible la Mez-Esto. Li forsan uzesis por koloniizado, quankam simila mikra kargo-navo (la birting) esas altra posibleso.
La nura bone konservata knorr qua trovesis, jacis en neprofunda kanalo en la fyordo Roskilde en Dania en 1962. Savata kom Skuldelev 1, olu pozesis inter du militonavi, Baltikana vendonavo, e paromo. Arkeologi kredas ke la navi pozesis ibe inkombrar la kanalo kontre enemikal inkursanti. Cadie omna kin navi, konocita kom la navi di Skuldelev, expozesas ye la Vikingala navo-muzeo en Roskilde.
Anke videz
[redaktar | redaktar fonto]Referi
[redaktar | redaktar fonto]Altra fonti
[redaktar | redaktar fonto]- Greenhill, Basil (1976) Archaeology of the Boat (London: Adam and Charles Black Publishers Ltd) ISBN 978-0-7136-1645-3
- Harrison, Mark (2006) The Vikings, Voyagers of Discovery and Plunder (Osprey Publishing) ISBN 978-1-84603-340-7
- Crumlin-Pedersen, Ole (1997) Viking-Age Ships and Shipbuilding in Hedeby (Viking Ship Museum, Roskilde) ISBN 978-87-85180-30-8
Extera ligili
[redaktar | redaktar fonto]- Roskilde Vikingala navo-muzeo (en la Dana)