Queens
![](http://178.128.105.246/content-http-upload.wikimedia.org/wikipedia/commons/thumb/1/1a/Queens_Montage_2012_1.png/220px-Queens_Montage_2012_1.png)
Queens esas la maxim estala e granda (segun areo) de la kin distrikti di Nov-York-Urbo.
![](http://178.128.105.246/content-http-upload.wikimedia.org/wikipedia/commons/thumb/9/94/New_York_City_location_Queens.svg/220px-New_York_City_location_Queens.svg.png)
Ol geografiale adjacas la distrikto Brooklyn en la sudwesta parto di Long Island, e komtio Nassau plu fore este en Long Island; pluse, Queens havas aquo-frontieri kun la distrikti Manhattan e la Bronx. Equivalanta komtio Queens depos 1899, Queens esas la duesma maxim granda distrikto segun habitantaro (dop Brooklyn) kun evaluita 2.339.150 rezidanti en 2015, cirkume 48% de li naskinta en exterlando. La komtio Queens esas anke la duesma maxim populoza komtio en la stato Nov-York, dop la vicina Brooklyn.
Queens esas la quaresma maxim dense popuoza komtio en Nov-York-Urbo, anke en Usa. Se la distrikti di Nov-York-Urbo esus nedependanta urbi, Queens esus la quaresma maxim populoza urbo en Usa, dop Los Angeles, Chicago e Brooklyn. Queens esas la maxim etniale diversa urbana areo en la mondo.
Queens establisesis en 1683 kom un ek la originala 12 komtii di Nov-York. Ol nomizesis pro la portugalana princino Katarina di Braganza (1638–1705), rejino di Anglia, Skotia ed Irlando. Ol divenis distrikto di Nov-York-Urbo en 1898, e de 1683 til 1899, la komtio Queens inkluzis la nuna komtio Nassau.
Queens havas la maxim diversa ekonomio del kin distrikti di Nov-York-Urbo. Ol esas la hemo di JFK International Airport e LaGuardia Airport. Ica aeroportui esas inter la maxim uzata en la mondo, e la aerospaco super Queens esas la maxim uzata en Usa. Atraktivi en Queens inkluzas Flushing Meadows Park, Citi Field (hemo dil basbal-esquado New York Mets), laUS Open tenis-turniro, Kaufman Astoria Studios, Silvercup Studios ed Aqueduct Racetrack. La distrikto havas diversa rezideyi, de alta apartament-edifici en la urbana arei di westa e centrala Queens, quala Jackson Heights, Flushing, Astoria e Long Island City, a preurbana vicineyi en la esta parto dil distrikto quala Little Neck, Douglaston e Bayside.
Historio
[redaktar | redaktar fonto]Europana koloniigo adportis angli e nederlandani, kadre dil kolonio Nov-Nederlando. Unesma kolonii eventis en 1635, e sequis frua kolonii en Maspeth en 1642, e Vlissingen (nun Flushing) en 1643. Altra frua kolonii inkluzis Newtown (nun Elmhurst) e Jamaica. Tamen, ica nova urbi grandaparte habitesis da angli de Nov-Anglia per esta Long Island (komtio Suffolk) sub nederlandana lego. Pos kapto dil kolonio dal angla e rinomizo kom Nov-York en 1664, la areo (e tota Long Island) konocesis kom Yorkshire.
Geografio
[redaktar | redaktar fonto]Queens situesas en la fora westa parto di geografiala Long Island ed inkluzas kelka mikra insuli, grandaparte en Jamaica-Bayo, parto dil Gateway National Recreation Area, quo suafoye esas un ek la Nacionala Parki dil Portuo di Nov-York. La komtio Queens havas areo de 460 km2, ek quo 280 km2 esas lando e 180 km2 (39%) esas aquo.
Kulturo
[redaktar | redaktar fonto]Queens esabas la hemo di famoza artisti quala Tony Bennett, Francis Ford Coppola, Paul Simon e Robert Mapplethorpe. La nuna poeto-laureato di Queens esas Paolo Javier.
Queens nutris afrikan-usana kulturo, kun la Afrikan Poetry Theatre e la Black Spectrum Theater Company. Dum la 1940a yari, Queens esis importanta centro di jazo; jaz-muzikisti quala Louis Armstrong, Charlie Parker ed Ella Fitzgerald rezidis en Queens, refujinta del segregaco quon li experiencis en altra parti di Nov-York.
Pluse, multa famoza hip-hop-artisti devenas de Queens, inkluzanta Nas, Run-D.M.C., Kool G Rap, A Tribe Called Quest, LL Cool J, Mobb Deep, 50 Cent e Nicki Minaj,