Zollverein
![](http://178.128.105.246/content-http-upload.wikimedia.org/wikipedia/commons/thumb/3/3f/Map-GermanConfederation.svg/320px-Map-GermanConfederation.svg.png)
Blue: Prusia en 1834.
Grize: arei inkluzita til 1866.
Flave: Austriana teritorii exter Zollverein.
![](http://178.128.105.246/content-http-upload.wikimedia.org/wikipedia/commons/thumb/d/dd/German_unified_1815_1871.svg/280px-German_unified_1815_1871.svg.png)
Zollverein o Germana doganal uniono esis koalisuro inter Prusia e Germana princii por administrar doganala taxado inter li. Kreita en 1833, ca pakto efikeskis ye la 1ma di januaro 1834, per kreo di doganal uniono inter lia membri. Cirkume 1866, Zollverein inkluzis la maxim multa Germana stati.
Prusia esis la precipua stimulinto di ca doganal uniono.[1] Austrian imperio exkluzesis de la pakto, nam lua industrio esis forte protektita, e nam princo Klemens von Metternich ne suportis ca ideo.[2]
En 1867, kande fondesis la Kunfederuro Germana di la Nordo (Germane: Norddeutscher Bund), la total extenso di Zollverein amontis 425 000 km². Pos la kreo di Germana imperio en 1871, l'imperio prenis kontrolo di la doganal uniono. Tamen, ne omna Germana stati partoprenis Zollverein til 1888, exemple Hamburg. Altralatere, Luxemburgia esis stato nedependanta de Germana imperio, tamen ol duris partoprenar Zollverein til 1919.
Referi
[redaktar | redaktar fonto]- ↑ Ploeckl, Florian:A novel institution: the Zollverein and the origins of the customs union Publikigita da Journal of Institutional Economics. Dato di publikigo: 2020. Pagino/pagini: 1-15. Idiomo: Angla.
- ↑ Germany - The age of Metternich and the era of unification, 1815-71 - Publikigita da Britannica.com.