11. maí

11. maí er 131. dagur ársins (132. á hlaupári) samkvæmt gregoríska tímatalinu. 234 dagar eru eftir af árinu.

• 1310 - 54 musterisriddarar voru brenndir á báli í Frakklandi fyrir villutrú.
• 1610 - Enski landkönnuðurinn Henry Hudson kom til Íslands í síðustu ferð sinni til Ameríku.
• 1661 - Ragnheiður Brynjólfsdóttir í Skálholti sór eið um hreinlífi sitt. Sonur hennar, Halldór Daðason, fæddist 40 vikum síðar.
• 1678 - Franski flotaforinginn Jean 2. d'Estrées sigldi öllum flota sínum, sautján skipum, í strand á kóralrifi við Curaçao.
• 1682 - Streltsíuppreisnin hófst í Moskvu.
• 1721 - Kötlugos hófst með jarðskjálfta og miklum drunum, sem heyrðust allt norður í Eyjafjörð. Gosmökkurinn sást víða að.
• 1777 - Hannes Finnsson var vígður Skálholtsbiskup 38 ára að aldri. Hann gegndi biskupsembætti til æviloka.
• 1812 - Spencer Perceval, forsætisráðherra Bretlands, var myrtur af John Bellingham í anddyri Breska þingshússins.
• 1911 - Knattspyrnufélagið Valur í Reykjavík var stofnað af fjórtán strákum í KFUM.
• 1912 - Hið íslenska fræðafélag í Kaupmannahöfn var stofnað.
• 1930 - Skógræktarfélag Eyfirðinga var stofnað og hét þá Skógræktarfélag Íslands.
• 1936 - Knattspyrnufélagið Víðir var stofnað í Garði.
• 1946 - Slysavarnafélag Íslands tók í notkun nýja björgunarstöð í Örfirisey í Reykjavík. Mikill mannfjöldi var viðstaddur vígslu hennar.
• 1949 - Nafni landsins Síam var breytt í Taíland í annað sinn.
• 1949 - Leikrit Shakespeares, Hamlet Danaprins, var frumflutt í Iðnó og lék Lárus Pálsson Hamlet.
• 1955 - Kópavogur varð kaupstaður, en hafði sjö árum áður orðið hreppur við aðskilnað frá Seltjarnarneshreppi.
• 1960 - Ísraelskir leyniþjónustumenn handtóku þýska nasistaforingjann Adolf Eichmann í Buenos Aires í Argentínu.
• 1975 - Um 75.000 manns fögnuðu lokum Víetnamstríðsins í Central Park í New York-borg.
• 1984 - Jörðin var í beinni línu milli sólarinnar og Mars. Því var hægt að fylgjast með skugga jarðarinnar færast yfir yfirborð Mars. Næst gerist þetta 10. nóvember 2084.
• 1985 - Mafíunefndarréttarhöldin: FBI lagði fram ákærur á hendur meintum forystumönnum fimm mafíufjölskyldna í New York.
• 1985 - 56 létust þegar viðarstúka brann á Valley Parade-leikvanginum í Bradford á Englandi.
• 1987 - Klaus Barbie fór fyrir rétt í Lyon sakaður um stríðsglæpi.
• 1989 - Bandaríkin sendu 1900 hermenn til Panama til að vernda bandaríska ríkisborgara.
• 1995 - Yfir 170 lönd samþykktu ótakmarkaða framlengingu Samnings um að dreifa ekki kjarnavopnum.
• 1996 - ValuJet flug 592 hrapaði í Everglades í Flórída. Allir 110 um borð fórust.
• 1997 - Ofurtölvan Deep Blue sigraði Garrí Kasparov í skák með 3½ vinningi gegn 2½.

• 1998 - Indverjar framkvæmdu þrjár kjarnorkutilraunir neðanjarðar. Í einni þeirra sprengdu þeir vetnissprengju.
• 1998 - Fyrstu evrumyntirnar voru slegnar í Pessac í Frakklandi. Þær voru síðan bræddar aftur.
• 2001 - Íslenska vefritið Baggalútur hóf göngu sína.
• 2003 - Saltkeri Cellinis var stolið frá Kunsthistorisches Museum í Vín.
• 2009 - Geimskutlunni Atlantis var skotið á loft til að gera við Hubble-geimsjónaukann.
• 2010 - David Cameron tók við embætti forsætisráðherra Bretlands.
• 2015 - Málverkið Les Femmes d'Alger eftir Pablo Picasso seldist á 179,3 milljónir dala á uppboði hjá Christie's í New York. Við sama tækifæri seldist höggmyndin L'Homme au doigt eftir Alberto Giacometti fyrir 141,3 milljónir. Í báðum tilvikum var um metfé að ræða.
• 2021 - Átök Ísraels og Palestínu 2021: Ísraelsher skaut eldflaugum á Gasaströndina til að svara eldflaugaárásum Hamas eftir að Ísrael hóf að hrekja Palestínumenn frá heimilum sínum í Sheikh Jarrah í Austur-Jerúsalem.
• 2022 – Palestínska blaðakonan Shireen Abu Akleh var skotin til bana þar sem hún flutti fréttir af aðgerðum Ísraelshers í Jenin á Vesturbakkanum.

• 1366 - Anna af Bæheimi, Englandsdrottning (d. 1394).
• 1720 - Münchhausen barón, þýskur barón og sagnaritari (d. 1797).
• 1811 - Chang og Eng Bunker, síamstvíburar (d. 1874).
• 1874 - Einar Jónsson, íslenskur myndhöggvari (d. 1954).
• 1897 - George Peter Murdock, bandarískur mannfræðingur (d. 1985).
• 1904 - Salvador Dalí, spænskur listamaður (d. 1989).
• 1916 - Camilo José Cela, spænskur rithöfundur (d. 2002).
• 1918 - Richard Feynman, bandarískur eðlisfræðingur (d. 1988).
• 1924 - Jóhannes Nordal, íslenskur seðlabankastjóri (d. 2023).
• 1924 - Jackie Milburn, enskur knattspyrnumaður (d. 1988).
• 1952 - Frances Fisher, bandarísk leikkona.
• 1963 - Natasha Richardson, leikkona (d. 2009).
• 1968 - Jeffrey Donovan, bandarískur leikari.
• 1971 - Sigurður Eyberg, íslenskur leikari og söngvari.
• 1973 - Jóhann Hjörleifsson, íslenskur trommuleikari.
• 1975 - Coby Bell, bandarískur leikari.
• 1977 - Marcos Paulo, brasilískur knattspyrnumaður.
• 1980 - Björgólfur Hideaki Takefusa, íslenskur knattspyrnumaður.
• 1981 - Daisuke Matsui, japanskur knattspyrnumaður.
• 1982 - Cory Monteith, kanadískur leikari (d. 2013).
• 1983 - Holly Valance, leikkona og söngkona.
• 1984 - Andrés Iniesta, spænskur knattspyrnumaður.
• 1987 - Tomoaki Makino, japanskur knattspyrnumaður.
• 1988 - Oscar Carlén, sænskur handknattleiksmaður.
• 1992 - Thibaut Courtois, belgískur knattspyrnumaður.

• 1610 - Matteo Ricci, ítalskur trúboði (f. 1552).
• 1642 - Safi Persakonungur (f. 1611).
• 1686 - Otto von Guericke, þýskur vísindamaður (f. 1602).
• 1778 - William Pitt eldri, breskur stjórnmálamaður og forsætisráðherra (f. 1708).
• 1812 - Spencer Perceval, enskur stjórnmálamaður (f. 1762).
• 1960 - John D. Rockefeller, yngri, bandarískur auðmaður (f. 1874).
• 1962 - Hans Luther, þýskur stjórnmálamaður (f. 1879).
• 1965 - Wilhelm Ernst Beckmann, þýsk-íslenskur tréskurðar- og höggmyndalistamaður (f. 1909).
• 1970 - Katrín Thoroddsen, íslenskur læknir og alþingiskona (f. 1896).
• 1976 - Alvar Aalto, finnskur arkitekt og hönnuður (f. 1898).
• 1981 - Bob Marley, söngvari og tónlistarmaður (f. 1945).
• 1996 - Nnamdi Azikiwe, nígerískur stjórnmálamaður (f. 1904).
• 2001 - Douglas Adams, breskur rithöfundur (f. 1952).
• 2017 - Jóhanna Kristjónsdóttir, íslenskur rithöfundur og blaðamaður (f. 1940).
• 2018 - Gérard Genette, franskur bókmenntafræðingur (f. 1930).
• 2019 - Pua Magasiva, samósk-nýsjálenskur leikari (f. 1980).
• 2020 – Jerry Stiller, bandarískur gamanleikari (f. 1927).
• 2022 – Shireen Abu Akleh, palestínsk blaðakona (f. 1971).