Amiens
Amiens er borg og sveitarfélag í Norður-Frakklandi. Amiens liggur 120km í norðurátt frá París og 100km í suðvesturátt frá Lille. Hún er höfuðborg sýslunnar Somme í héraðinu Hauts-de-France. Frá og með árinu 2006 voru íbúar Amiens 136.105 manns.
Dómkirkjan í Amiens er stærsta gotneska kirkja sem byggð var í Frakklandi á 13. öld og er stærsta sinnar tegundar þar í landi. Höfundurinn Jules Verne bjó í Amiens frá 1871 til dauðadags árið 1905 og var borgarfulltrúi þar í 15 ár. Stór jólamarkaður er haldinn í borginni í desember á hverju ári.
Nokkrir sérréttir eru kenndir við Amiens, þar á meðal macarons d'Amiens (kex með möndlum), tuiles amienoises (krúlluð kex með súkkulaði og appelsínu), pâté de canard d'Amiens (andarlifrarkæfa í smjördeigi), la ficelle Picarde (ofnbökuð crêpe með osti) og flamiche aux poireaux (smjördeigsbaka með blaðlaukum og rjóma).
![](http://178.128.105.246/content-http-upload.wikimedia.org/wikipedia/commons/thumb/c/c3/Flag_of_France.svg/40px-Flag_of_France.svg.png)