Armagh
Útlit
![](http://178.128.105.246/content-http-upload.wikimedia.org/wikipedia/commons/thumb/4/42/Cathedrale_d_Armagh.jpg/250px-Cathedrale_d_Armagh.jpg)
Armagh (framburður: /ɑːrˈmɑː/, írska: Ard Mhacha) er borg og sókn á Norður-Írlandi. Hún er kirkjuleg höfuðborg Írlands: erkibiskupar alls Írlands sitja í borginni, bæði fyrir kaþólsku kirkjuna og mótmælendakirkjuna. Í dag eru tvær dómkirkjur í borginni. Borgin einkennist af byggingum í georgískum stíl. Gömul stjörnustöð er í borginni sem stofnuð var árið 1789.
Armagh var viðurkennd sem borg opinberlega árið 1994. Árið 2011 voru íbúar hennar 14.749. Hún er því fámennasta borg Norður-Írlands og fimmta fámennasta borg Bretlands.