Hamm
Útlit
Hamm | |
---|---|
![]() | |
Sambandsland | Norðurrín-Vestfalía |
Flatarmál | |
• Samtals | 226,43 km2 |
Hæð yfir sjávarmáli | 63 m |
Mannfjöldi | |
• Samtals | 180.000 (2.019) |
• Þéttleiki | 777/km2 |
Vefsíða | www.hamm.de |
Hamm er borg í þýska sambandslandinu Norðurrín-Vestfalíu og er með 180 þúsund íbúa (2019).
Lega
[breyta | breyta frumkóða]![](http://178.128.105.246/content-http-upload.wikimedia.org/wikipedia/commons/thumb/7/75/Hamm_Luftbild_Innenstadt_2007.jpg/220px-Hamm_Luftbild_Innenstadt_2007.jpg)
Hamm liggur fyrir norðaustan Ruhr-héraðið, norðarlega í sambandslandinu. Næstu borgir eru Dortmund til suðvesturs (25 km), Münster til norðurs (40 km) og Bielefeld til norðausturs (60 km).
Skjaldarmerki
[breyta | breyta frumkóða]Skjaldarmerki Hamm er nær alveg gult en fyrir miðju þrjár litlar rendur með hvítum og rauður skákreitum. Merki þetta var þegar til á 13. öld, en var tekið upp í núverandi formi 1934.
Orðsifjar
[breyta | breyta frumkóða]Hamm hefur ætíð heitið svona. Orðið merkir beygju í árfarvegi, en borgin stendur við samflæði Lippe og Ahse. Á latnesku heitir borgin Hammona.[1]
Söguágrip
[breyta | breyta frumkóða]![](http://178.128.105.246/content-http-upload.wikimedia.org/wikipedia/commons/thumb/5/5b/Gruendungsprivileg_Hamm.jpg/220px-Gruendungsprivileg_Hamm.jpg)
- Borgin Hamm var stofnuð árið 1226 af greifanum Adolf I von der Mark. Hún kemur að öðru leyti ekki við sögu í gegnum miðaldirnar.
- Um miðja 16. öld urðu siðaskiptin í borginni.
- 1609 varð Hamm eign Brandenborgar (þ.e. prúsnesk) með erfðum.
- 1734 varð stórbruni í borginni sem eyðilagði 200 hús. Annar stórbruni varð 1741.
- 1792 settist Loðvík 18. Frakkakonungur að í borginni eftir byltinguna í Frakklandi, ásamt bróður sínum sem seinna varð Karl X.
- 1815, við endurskipulagningu eftir Napoleonsstríðin, varð Hamm hluti af Westfalen,.
- 1911-13 var áin Ahse færð úr miðborginni til að skapa meira byggingarpláss.
- Í heimstyrjöldinni síðari varð Hamm fyrir töluverðum loftárásum sem eyðilögðu 60% borgarinnar.
- 1945 hertóku Bandaríkjamenn borgina, sem var á hernámssvæði Breta.
- 1975 voru nokkrir nágrannabæir innlimaðir Hamm og fór íbúafjöldinn þá langt yfir 100 þúsund.
Frægustu börn borgarinnar
[breyta | breyta frumkóða]- (1951) Horst Hrubesch knattspyrnukappi
Byggingar og kennileiti
[breyta | breyta frumkóða]![](http://178.128.105.246/content-http-upload.wikimedia.org/wikipedia/commons/thumb/d/db/Pauluskirche_Hamm.jpg/220px-Pauluskirche_Hamm.jpg)
![](http://178.128.105.246/content-http-upload.wikimedia.org/wikipedia/commons/thumb/8/84/Glaselefant.jpg/220px-Glaselefant.jpg)
- Pálskirkjan er aðalkennileitið í miðborginni. Hún var reist á 14. öld.
- Glerfíllinn er einkennismerki borgarinnar Hamm. Hann var reistur 1984 sem hluti af mikilli garðasýningu og stendur í Maximilianpark. Hann er nokkra tugi metra hár og er innangengur.
Tilvísanir
[breyta | breyta frumkóða]- ↑ Geographische Namen in Deutschland. Duden. 1993. Bls. 125.
Heimildir
[breyta | breyta frumkóða]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
Wikimedia Commons er með margmiðlunarefni sem tengist Hamm.