Bakpia
![]() Bakpia | |
Panggonan asal | Indonésia |
---|---|
Tlatah utawa praja | Jawa |
Woworan pokok | kacang glèpung lan endhog |
![]() ![]() |
Bakpia punika dhaharan khas saking Yogyakarta.[1][2] Bakpia sajatosipun sanès asli saking Yogyakarta, nanging saking nagari Cina.[1] Ing nagari asalipun bakpia gadhah nama asli Tou Luk Pia ingkang tegesipun roti ingkang isinipun dhaging.[1] Sanajan asli saking Cina, bakpia ingkang wonten ing Yogyakarta isinipun sanès daging, nanging isinipun kacang ijem.[1] Ing taun 1948, wonten kulawarga saking Tionghoa ingkang namun Ipung Goei Gee Oe nyobi damel bakpia kanggé indhustri griyan.[1] Wekdal punika bakpia taksih dèrèng dipunsadè ing toko, nanging dipunsadè kanthi ècèran.[1] Bakpia punika ugi dèrèng dipunwungkus lan dipunparingi label kados sapunika.[1] Wiwit taun 1980 bakpia sampun dipunwedalaken wonten ing griya lan dipunsadé ing toko-toko.[1][1]
Jinis Raosipun Bakpia
[besut | besut sumber]Wonten tigang pilihan raosipun Bakpia ingkang sampun umum, inggih punika kacang ijem, kéju, lan coklat.[3]
- Kacang Ijem, bahan ingkang dipunangem isi bakpia raos kacang ijem inggih punika: kacang ijem, gendhis pasir, lisah, lan sarem. Bahan ingkang kanggé kulitipun inggih punika: glepungan, lisah, lan toya.[3]
- Kéju, bahan ingkang dipunagem isi bakpia raos keju inggih punika: glepungan, gendhis, margarin, kèju, butter, susu, lan sarem.[3]
- Coklat, bahan ingkang dipunaagem inggih punika: glepungan, gendhis, maizena, butter, coklat, susu, lan toya.[3]
Resép Adonan Kulit Bakpia Pathuk
[besut | besut sumber]Resèp bahan kulit bakpia Pathuk:[4]
- glepungan protèin sedhengan 250 gram
- glepungan protèin ageng 125 gram
- gendhis pasir 75 gram
- sarem 1/2 sendhok teh
- toya 200 ml
- lisah sayur 200 ml
![](http://178.128.105.246/content-http-upload.wikimedia.org/wikipedia/commons/thumb/7/74/Ngawe_Bakpia.jpg/250px-Ngawe_Bakpia.jpg)
Resèp bahan lapisan kulit Bakpia Pathuk:[4]
- glepungan protéin sedhengan 125 gram
- lisah sayur 50 ml
- margarin 1/2 sendhok
Caranipun damel kulit Bakpia Pathuk:[4]
- Bahan lapisan: Campur sadaya bahan, adhuk kanthi rata lajeng dipunsisihkan. Panasaken kanthi toya 100 ml, lajeng dipuncampur gendhis pasir, adhuk ngantos rata, campur glepungan trigu lan uyah. Paringi toya lajeng larutaken gendhis punika, lajeng uléni ngantos rata.
- Tuangaken 100 ml lisah sayur, uléni adhonan ngantos rata.
- Gulung adhonan ngantos mbentuk bundheran ingkang panjang kanthi dhiameter 2 cm. Kethik kanthi ukuran 5 gram, lajeng dipundamel bundher, damel ngantos adhonan telas.Tipisaken adhonan, pendhet sakedhik adhonan lapisan (kirang langkung 1 gram).
- Limpet kados amplop lajeng dipunsetunggalaken pucuk-pucukipun (dipundamel bundheran).
- Lebetaken bundheran adhonan wonten ing lisah, dipuntengga kinten-kinten 15 menit.
- Adhonan kulit bakpia pathuk siyap dipunisi lan dipunpanggang.
Resépipun Bakpia Keju Susu
[besut | besut sumber]Bahanipun Bakpia Keju Susu:[4]
- Adhonan kulit bakpia pathuk 1 resep
- Kacang ijem 250 gram, dipunkukus, dipunalusaken
- Gendhis 50 gram
- Margarin 2 sendhok ageng
- susu bubuk 100 gram
- kèju parut 100 gram
![](http://178.128.105.246/content-http-upload.wikimedia.org/wikipedia/commons/thumb/2/25/Panggang_Lumpia.jpg/200px-Panggang_Lumpia.jpg)
Caranipun Damel Bakpia Keju Susu:[4]
- Isi: Campur kacang ijem, gendhis alus, margarin, susu bubuk, lan kèju. Dipunadhuk ngantos rata.
- Damel adhonan isi bundheran pipih kanthi diameter 3 cm lan dhuwur 1,5 cm ngaantos adhonan isi telas. Sisihaken.
Piranti kanggé damel Bakpia
[besut | besut sumber]Piranti ingkang dipun-ginakaken manawi badhé damel bakpia mliginipun wonten ing prosès pengolahanipun inggih punika bak plastik, méja, nampan, ladhing, timbangan, wajan, adhukan, tungku, oven, loyang, dhandhang, mesin kanggé nggiling, lan tumbu alit.[5] Manawi badhé damel bakpia saenipun wonten pinten-pinten tahap ingkang kedah dipun-gantos kados nyiapaken bahan, damel adhonan, damel keju/isi, nyethak, manggang, ngandhemaken, lan mbungkus.[5]
Cathetan suku
[besut | besut sumber]- ↑ a b c d e f g h Bakpia Pathuk(diundhuh tanggal 14 April 2011)
- ↑ Seputar Djogja(dipunundhuh tanggal 14 April 2011)
- ↑ a b c d Bakpia Pathok(diundhuh tanggal 14 April 2011)
- ↑ a b c d e Resep Bakpia Keju Susu Archived 2011-02-04 at the Wayback Machine.(diundhuh tanggal 14 April 2011)
- ↑ a b Melihat Cara Pembuatan Bakpia Archived 2009-07-11 at the Wayback Machine.(diundhuh tanggal 15 April 2011)