Fikologi
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
![](http://178.128.105.246/content-http-upload.wikimedia.org/wikipedia/jv/thumb/2/29/Fikologi.jpg/220px-Fikologi.jpg)
Fikologi (Yunani: φύκος, phykos, "ganggang"; lan -λογία, -logia) utawi algologi (Latin: alga, "ganggang"), inggih punika sub disiplin botani ingkang nyinaoni bab alga utawi ganggang. Fikologi ugi nyinaoni sapérangan organisme prokariotik ingkang misuwur kanthi nama Cyanobacteria.[1] Alga inggih punika salah satunggaling tuwuhan ingkang dados prodhusen primer ing ékosistem toya. Sapérangan ageng alga inggih punika eukariotik, organisme fotosintetik ingkang dumunung ing lingkungan ingkang lembab. Tuwuhan alga punika kepisah saking tuwuhan kelas inggil kanthi kirangipun oyot ingkang leres, stems utawi ron. Déné tiyang ingkang nyinaoni bab alga punika dipunsebat satunggaling fikologis.
Bahan kajian
[besut | besut sumber]Ingkang dipuntliti wonten ing fikologi punika ing antawisipun inggih punika titikanipun Algae, Organisasi se!uler: prokaryotik lan eukaryotik; struktur alus plastida, pigmentasi, Ultrastruktur pembelahan seL Reproduksi lan daur pagesanganipun. Morfologi talus. Algae prokaryotik: Cyanophyta (Cyanobacteria). Struktur protoplasmatik. Reproduksi simbiosis. Ekologi. Algae Eukaryotik: Glaucophyta. Kawontenanipun Cyanophyta wonten ing Glaucophyta: morfologi. Chlorophyta, kelas Chlorophyceae lan Charophyceae: morfologj talus, reproduksi lan daur pagesanganipun. Phaeophyta, kelas Phaeophyceae: morfologi talus, tipe pertumbuhan, reproduksi lan daur pagesanganipun. Rhodophyta, kelas Rhodophyceae: organisasi seluler, pigmentasi, morfologi talus, tipe daur hidup parasitisme lan epifitisme, kalsifikasi talus.[2]
Sajarah wontenipun Fikologi
[besut | besut sumber]Nalika ing antawisipun tiyang Yunani kuna lan Romawi kuna mangertosi bab alga lan ugi tiyang cina, padatanipun alga punika dipunolah dados manéka warna variasi dhaharan.[3] Studi ilmiah bab ganggang punika dipunwiwiti wonten ing pungkasaning abad kaping 18 kanthi damel andharan bab deskripsi lan anggènipun paring nama Ecklonia maxima utawi Fucus maximus (sapunika kanthi nama Ecklonia maxima ing taun 1757 dhedhasar Pehr Osbeck. Punika dipuntiru lan dipundhereki déning karya deskriptif ulama kados ta Dawson Turner lan Carl Adolph Agardh, nanging punika boten dangu ngantos dugi abad kaping 19, bilih wonten upaya- upaya sanès ingkang dipuntindakaken déning JV Lamouroux lan William Henry Harvey kanggé damel pengelompokan ingkang signifikan wonten ing ganggang. Harvey sampun dipunsebat dados bapak fikologi ingkang modhèren [4] ing pérangan divisinipun saking alga dhateng sekawan divisi ingkang wigati dhedhasar pigmenipun.
Cathetan suku
[besut | besut sumber]- ↑ International Phycological Society(dipunundhuh tanggal 8 Pebruari 2013)
- ↑ Silabus Mata Kuliah Pilihan - Fikologi (dipunundhuh tanggal 8 Pebruari 2013)
- ↑ Porterfield, William M. (1922) "References to the algae in the Chinese classics" Bulletin of the Torrey Botanical Club 49: pp. 297–300
- ↑ "About Phycology" Archived 2012-10-18 at the Wayback Machine. Lance Armstrong Foundation