Maxim Gorky
Aleksey Maximovich Peshkov | |
---|---|
Lair | 16 Maret 1868 Nizny-Novgorod, Russia |
Pati | 14 Juni 1936 |
Pakaryan | Sastrawan |
![](http://178.128.105.246/content-http-upload.wikimedia.org/wikipedia/commons/thumb/5/5e/Maxim_Gorky_LOC_Restored_edit1.jpg/220px-Maxim_Gorky_LOC_Restored_edit1.jpg)
Aleksey Maksimovich Peshkov (jeneng pena: Maxim Gorky) ya iku juru tulis cerkak lan novèl saka Russia.[1][2] Dhèwèké lair ana Nizhny Novgorod, Russia, tanggal 16 Maret 1868.[1] Séda tanggal 14 Juni 1936, umur 68 taun.[1]
Taun-taun purwané, dhèwèké urip ana Astrakhan, bareng karo bapaké, tukang gawé perabot, banjur dadi agèn pengiriman.[1] Sawektu dhèwèké umur limang taun, bapaké séda.[1] Dhèwèké bali nèng Nizhny-Novgorod bareng karo simbahé, déné ibuné mbojo manèh.[1] Simbah kakungé tukang cat kang laku kasar marang dhèwèké.[1] Simbah putriné rada apikan.[1]
Dhèwèké njipuk jeneng Maxim Gorky nalika umur 20-an, minangka provokasi publik lan makili urip iku dhèwè.[1][2] Gorky, ana basa Russia, artiné pait.[1][2]
Antarané taun 1899 lan 1906, dhèwèké manggon ana St. Petersburg.[1] Dhèwèké dadi wong Marxis, njurung Social Democratic Party.[1] Sawisé pecahing partai iku, dhèwèké mèlu sayap Bolshevik, nanging dhèwèké kerep selisih karo pimpinan Bolshevik, V. I. Lenin.[1]