Membran
![](http://178.128.105.246/content-http-upload.wikimedia.org/wikipedia/commons/thumb/b/ba/Hollow_fiber_membrane_wall.png/220px-Hollow_fiber_membrane_wall.png)
Membran inggih punika sawijining penghambat ingkang selektif; membran ngidini saperangan bab langkung nanging mbendhung bab sanesipun. Bab-bab menika saged molekul, ion, utawi partikel alit sanesipun. Membran saged dipungolongaken dados membran sintetis saha membran biologis.[1] membran biologis kalebet membran sel (perangkat njawi sel utawi organel ingkang ngidini lumebetipun bahan-bahan tartamtu);[2] membran inti, ingkang nutupi inti sel; saha membran jaringan, kadosta membran lendir saha membran seros. Membran sintetis dipundamel dening manungsa kangge dipunginakaken wonten ing laboratorium saha industri (kadosta pabrik kimia).
Konsep membran sampun dipunmangertosi wiwit abad kaping wolulas nanging boten kathah dipunginakaken saknjawining laboratorium ngantos pungkasaning Perang Donya II. Pasokan toya unjukan ing Eropa sampun dipuncemari dening perang saha membran filter dipunginakaken kangge nguji kasisahan toya. Nanging, amargi kirangipun kapercayan, operasi ingkang dangu, selektivitas ingkang kirang, saha biaya ingkang inggil, membran boten dipunginakaken kanthi wiyar. Panganggening membran ingkang pisanan kanthi skala ageng ngginakaken teknologi mikrofiltrasi saha ultrafiltrasi. Wiwit taun 1980-an, proses pemisahan menika, sesarengan kaliyan elektrodialisis, dipunginakaken ing pabrik-pakbrik ageng. Samenika, pinten-pinten perusahaan ingkang pengalaman nyekapi pasar.[3]
Tingkat selektivitas membran gumantung saking ukuran pori-nipun. Gumantung saking ukuran pori, membran saged dipungolongaken dados membran mikrofiltrasi (MF), ultrafiltrasi (UF), nanofiltrasi (NF), saha osmosis balik (RO). Membran ugi saged gadhah maneka warni ketebelan, kanthi struktur ingkang homogen utawi heterogen. Membran saged netral utawi bermuatan, saha angkutan partikel saged aktif utawi pasif. Ingkang kala wau saged dipunfasilitasi dening tekanan, konsentrasi, gradien kimiawi utawi listrik saking proses membran.
Sitiran
[besut | besut sumber]- ↑ Mulder, Marcel (1996). Basic principles of membrane technology (édhisi ka-2). Kluwer Academic: Springer. ISBN 978-0-7923-4248-9.
- ↑ Cheryan, M (1998). Ultrafiltration and Microfiltration Handbook. Lancaster, PA.: echonomic Publishing Co., Inc.
- ↑ Membranes on Polyolefins Plants Vent Recovery, Improvement Economics Program. Intratec. 2012. ISBN 978-0615678917. Diarsip saka sing asli ing 2013-05-13.