Pasisir
![](http://178.128.105.246/content-http-upload.wikimedia.org/wikipedia/commons/thumb/8/8a/Steilk%C3%BCste_bei_Ahrenshoop.jpg/300px-Steilk%C3%BCste_bei_Ahrenshoop.jpg)
![](http://178.128.105.246/content-http-upload.wikimedia.org/wikipedia/commons/thumb/3/3e/Kuta_beach.jpg/220px-Kuta_beach.jpg)
![](http://178.128.105.246/content-http-upload.wikimedia.org/wikipedia/commons/thumb/b/bf/VirginiaBeach.jpg/220px-VirginiaBeach.jpg)
![](http://178.128.105.246/content-http-upload.wikimedia.org/wikipedia/commons/thumb/f/f7/Sagara.jpg/220px-Sagara.jpg)
Pasisir yaiku wewengkon kang dadi wates watara sagara lan dharatan. Wujud pasisir béda-béda miturut kaanan lan prosès kang kedadèn ing wewengkon mau kaya ta pangangkutan, pengendapan lan pangikisan kang disebabaké déning gelombang, arus, angin lan kaanan lingkungan ing saubengé kang kedadèn terus-terusan nganti mbentuk siji pasisir.[1]
Manfaat Pasisir
[besut | besut sumber]Akeh manfaat pasisir kanggo kauripan manungsa, mligi ing laladan tropis pasisir digunaake déning manungsa kanggo akèh hal, ing antarané:
- Objek pariwisata
- Laladan pertanian pasang surut
- Areal tambak uyah
- Wewengkon kebon kelapa lan gedhang
- Laladan pangembangan indhustri kerajinan rakyat kang duwé corak khas laladan pasisir, lan liya-liyané.[1]
Pasisir uga duwé ékosistem, ékosistem pasisir yaiku ékosistem kang ana ing wewengkon wates watara sagara lan dharatan, sajeroning ékosistem pasisir ana komponèn biotik lan komponèn abiotik.[1] Komponèn biotik pasisir kasusun saka wit-witan lan kéwan kag urip ing laladan pasisir, minangka komponèn abiotik pasisir ing antarané gelombang, arus, angin, wedhi, watu lan liya-liyané. Alas Mangrove (alas bakau) yaiku tuladha ékosistem ing laladan pasisir. Ing laladan alas mangrove urip warna-warna jinis kéwan kaya ta munyuk, yuyu, ula lan urang. Alas mangrove bisa nahan abrasi banyu sagara.[1]