Saint-Denis
Saint-Denis | |
---|---|
![]() | |
Nagara | France |
Arondisemen | Saint-Denis |
Kanton | Kutha krajan 3 kanton |
Interkomunalitas | Communautéd'agglomérationPlaine Commune |
INSEE/Kodhe pos | (ex 75066) 93066 (ex 75066) / |
Saint-Denis minangka satunggaling komune wonten ing pinggiran lèr Paris, Perancis. Dumunung 9.4 kilomèter (5.8 mil) saking pusat kutha Paris. Saint-Denis minangka sous-préfecture wonten ing département Seine-Saint-Denis, dados kutha krajan Arondisemen Saint-Denis.
Saint-Denis minangka griya kanggé nekropolis karajan Basilika Saint Denis lan ugi lokasi biara ingkang sami sesambungan. Ugi griya kanggé stadion nasional Perancis, Stade de France, ingkang dipunyasa kanggé ngawontenaken Piala Donya FIFA 1998.
Saint-Denis minangka pinggiran kutha indhustri ingkang mangsulaken basis èkonominipun. Kathah-kathahipun tiyang ingkang dumunung wonten ing Saint-Denis minangka imigran Muslim saking tilas koloni Perancis.
Penduduk Saint-Denis dipunsebut Dionysiens[1].
Nama
[besut | besut sumber]Dumugi abad kaping 3 Saint-Denis minangka papan dunung alit ingkang nama Catolacus utawi Catulliacum, mbok manawi "papan dunung Catullius", satunggaling tuan tanah Galia-Romawi. Sakitar taun 250, biskop Paris kapisanan, Saint Denis, dipunmartiraken wonten ing bukit Montmartre lan dipunsarèkaken wonten ing Catolacus. Lajeng pasarèyanipun dados kuil lan pusat ziarah, kanthi yasan Biara Saint Denis, lan pemukiman punika gantos nama dados Saint-Denis.
Taun 1793, sadangunipun Revolusi Perancis, Saint-Denis gantos namanipun dados Franciade wonten ing penolakan agama. Taun 1803, wonten ing sangandhapipun Konsulat Napoléon Bonaparte, kutha punika migunakaken nama dangunipun, inggih punika Saint-Denis.
Sajarah
[besut | besut sumber]Sadanguning sujarahipun, Saint-Denis kagayutaken kaliyan papan dunungipun karajan Perancis; wiwit Dagobert I, mèh saben raja Perancis dipunsarèkaken wonten ing basilika punika.
Nanging, Saint-Denis langkung sepuh. Wonten ing abad kaping 2, wonten sawijining désa Galia-Romawi ingkang nama Catolacus wonten ing papan ingkang dipundunungi Saint-Denis sapunika. Saint Denis, biskop kapisanan Paris lan santa patron Perancis, dipunmartiraken taun 250 lan dipunsarèkaken wonten ing pasarèyan Catolacus. Pasarèyan Denis dados papan ziarah.
Sainte Geneviève, sakitar 475, gadhah sawijining kapel alit ingkang diunmadhegaken wonten ing pasarèyan Denis, lajeng dados papan kondhang kanggé ngibadah.
Kapel punika dipunyasa malih déning Dagobert I lan dipunéwahi dados papan karajan. Dagobert maringi manéka kabébasan dhateng papan dunung mau:kamardikan saking biskop Paris, hak nguwaosi peken, lan, ingkang paling wigati, piyambakipun dipunsumpah wonten ing Saint-Denis; sawijining tradisi ingkang dipunlestantunaken sadaya para raja salajengipun.
Sadangunipun Abad Pertengahan, amargi kamardika ingkang dipunparingi déning Dagobert, Saint-Denis ngrembaka sanget. Pedagang saking sadaya wewengkon Éropah (lan saking Kamaharajan Bizantium) rawuh saperlu mirsani pekenipun.
Saint-Denis kènging dampak saking Perang Setunggal atus Taun; saking 10.000 penduduk, namung 3.000 ingkang taksih gesang.
Sadanguning Perang Agama Perancis, Pertempuran Saint-Denis ingkang dipuntindakaken antawisipun Katolik lan Protèstan tanggal 10 November 1567. Protèstan dipunkasoraken, nanging komandan Katolik Anne de Montmorency séda. Taun 1590, kutha punika kasor déning enry IV, ingkang pindhah agama dhateng Katolik taun 1593 wonten ing biara Saint-Denis.
Raja Louis XIV madhegaken sapérangan indhustri wonten ing Saint-Denis: kincir angin lan pengering. Ingkang dados panerus, Louis XV, ingkang putranipun minangka biarawati wonten ing papan dunung biarawati, Carmelite, remen kaliyan kutha punika: piyambakipun mbiyangun kapel wonten ing papan punika lan ugi ndandosi yasan biara karajan.
![](http://178.128.105.246/content-http-upload.wikimedia.org/wikipedia/commons/thumb/c/c5/Maison_d%27Education_de_la_Legion_d%27Honneur.jpg/220px-Maison_d%27Education_de_la_Legion_d%27Honneur.jpg)
Sadangunipun Revolusi Perancis, boten namung kutha punika ingkang dipunsukani nama "Franciade" wiwit 1793 dumugi taun 1803, nanging nekropolis karajan dipunrebut lan dipunrisak. Sisanipun kapindhahaken saking pasaréan lan dipunbuwang sesarengan;sadanguning Restorasi Perancis, wiwit boten saged dipundamel malih, lan dipunkuburaken wonten ing osuari umum.
Raja pungkasan ingkang dipunsumpah wonten ing Saint-Denis inggih punika Louis XVIII. Sasampunipun Perancis dados republik lan kamaharajan, Saint-Denis kicalan gayutan kaliyan karajan.
Tanggal 1 Januari 1860, kutha Paris dipunwiyaraken kanthi nganèksasi komune sakitaripun. Amargi punika, komune La Chapelle-Saint-Denis dipunbisak lan dipunpérang antawis kutha Paris, Saint-Denis, Saint-Ouen, lan Aubervilliers. Saint-Denis pikantuk pérangan baratlaut La Chapelle-Saint-Denis.
Sadanguning abad kaping 19, Saint-Denis dados papan indhustri. Angkudan sami dipunénggalaken: taun 1924 Canal Saint-Denis dipunyasa, ngubungaken Canal de l'Ourcq ing sisih timurlaut Paris kaliyan Kali Seine ing L'Île-Saint-Denis, lan wonten ing taun 1843 jalur kereta ingkang kapisanan dumugi Saint-Denis. Wonten ing pungkasaning abad, wonten 80 pabrik ing wewengkon Saint-Denis.
Pambangunan kathah sèktor indhustri ugi maringi paningkatan pergerakan sosial ingkang wigati. Taun 1892, Saint-Denis milih administrasi sosialis kapisananipun, lan wonten ing pungkasaning taun 1920-an, kutha punika pikantuk jejuluk la ville rouge, kutha abrit. Dumugi Jacques Doriot wonten ing taun 1934, sadaya wali kutha Saint-Denis minangka anggota Parté Kuminis.
Sadangunipun Perang Donya II, sasampunipun kasoripun Perancis, Saint-Denis dados jajahanipun Jerman tanggal 13 Juli 1940. Wonten sapérangan aksi sabotase lan pemogokan, ingkang misuwur tanggal 14 April 1942 wonten ing pabrik Hotchkiss. Sasampunipun kahahan darurat ingkang dipunwiwiti rikala tanggal 18 ppAgustus]] 1944, Saint-Denis dipunbébasaken déning Jenderal Leclerc tanggal 27 Agustus.
Sasampunipun perang, krisis èkonomi 1970-an lan 1980-an nglanda kutha punika, ingkang gumantung sanget dhateng sèktor indhustri agengipun.
Wonten ing taun 1990-an, kutha punika wiwit tuwuh malih. Piala Donya FIFA 1998 maringi dmapak ingkang ageng sanget; stadion utama kanggé turnamèn mau, Stade de France, dipunyasa wonten ing Saint-Denis, sesarengan kaliyan ngènggalaken infrastruktur, kados déné nambahi jalur metro dhateng Saint-Denis-Université.
Wiwit taun 2000, Saint-Denis kerja sama kaliyan 7 commune sakitar (Aubervilliers, Villetaneuse, Pierrefitte-sur-Seine, Épinay-sur-Seine, L'Île-Saint-Denis (wiwit taun 2003), Stains (wiwit taun 2003) lan La Courneuve (wiwit taun 2005) ing Plaine Commune.
Taun 2003, sesaengan kaliyan kutha Paris, Saint-Denis ngawontenaken Forum Sosial Éropah ingkang angka kalih.
Démografi
[besut | besut sumber]Imigrasi
[besut | besut sumber]Angkudan
[besut | besut sumber]![](http://178.128.105.246/content-http-upload.wikimedia.org/wikipedia/commons/thumb/e/e8/RER-B_La-Plaine.jpg/250px-RER-B_La-Plaine.jpg)
Saint-Denis dipunlayani déning sekawan stasiun wonten ing Métro de Paris Jalur 13: Carrefour Pleyel, Saint-Denis-Porte de Paris, Basilique de Saint-Denis (di pusat kutha, dekat Saint Denis Basilica), lan Saint-Denis-Université.
Saint-Denis ugi dipunlayani stasiun La Plaine – Stade de France wonten ing RER jalur B Paris, ingkang minangka stasiun paling caket kaliyan aréna ulah raga Stade de France.
Pungkasan, Saint-Denis dipunlayani kalih stasiun wonten ing RER jalur D Paris: Stade de France – Saint-Denis lan Saint-Denis. Stasiun pungkasan, minangka satunggalipun stasiun sepur wonten ing Saint-Denis sadéréng wontenipun Métro lan RER, nglayani ugi minangka stasiun persimpangan kanggé jalur rèl pinggiran Transilien Paris – Nord.
Kriminalisme
[besut | besut sumber]Saint Denis kondhang wonten ing Perancis kanggé tingkat kriminalismenipun. Kagungan 150.71 kadadosan kriminal saben 1000 pendhudhuk, langkung inggil saking rata-rata nasional (83/1000) lan ugi langkung inggil saking kriminalisme departemeè Seine Saint Denis (95.67/1000). Èfisiènsi pulisi kalaporaken andhap sanget, namung 19.82% kriminalisme ingkang dipuntindakaken déning pulisi. Amargi tingkat ingkang inggil punika, kutha punika kènging dampak Haruhara sipil taun 2005.
Pendidikan
[besut | besut sumber]Saint-Denis gadhah 29 publik écoles maternelles.[2] Saint-Denis gadhah 30 publik écoles élémentaires, kanthi salah satunggaling sekolah (École Élémentaire Maria Casarès) dados sekolah antar komuntias.[3] Saint-Denis gadhah 8 publik collèges.[4] Saint-Denis gadhah Lycée Bartholdi, Lycée Paul Éluard, Lycée Suger, lan Lycée d’application de l’E.N.N.A.[5]
Saint-Denis gadhah SD, SMP, lan SMA pribadi (Ensemble scolaire Jean-Baptiste de La Salle et Notre-Dame de la Compassion) lan satunggal SMA swasta lan pawiyatan luhur (Collège et lycée Saint-Vincent de Paul).[4][5]
Tokoh Misuwur
[besut | besut sumber]- Angelo Debarre, komposer
- Nakibou Aboubakari, Pemain Bal-balan
- Jean-Christophe Bahebeck, footballer
- Paule Baudouin, Ulah ragawan
- Maurice Beyina, Pemain Basket
- Thievy Bifouma, Pemain Bal-balan
- Franck Chantalou, karateka
- Vincent Clarico, atlèt
- Pierre Degeyter, komposer
- Charles Dezobry, penulis
- Phousseyne Diaby, Pemain Bal-balan
- Paul Éluard, Penulis Puisi
- Auguste Gillot, Wali kutha
- Jean-Marc Grava, atlèt
- Auriol Guillaume, Pemain Bal-balan
- Abdelaziz Kamara, Pemain Bal-balan
- Vasseko Karamoko, Pemain Bal-balan
- Jonathan Kodjia, Pemain Bal-balan
- Moussa Koita, Pemain Bal-balan
- Albert Lebourg, pelukis
- Loic Lumbilla Pemain Bal-balan
- Rosere Manguelle, Pemain Bal-balan
- Claude Monet, pelukis
- Louis-Gabriel Moreau, pelukis
- Rodrigue Nordin, atlèt
- Francisque Poulbot, illustrator
- Michael Raffaelli, pelukis
- Yannis Salibur, Pemain Bal-balan
- Kool Shen
- Paul Signac, pelukis
- William Soliman, basketball player
- Joey Starr
- Brahim Thiam, Pemain Bal-balan
- Alassane Toure, Pemain Bal-balan
- Alioune Toure, Pemain Bal-balan
- Yannick Urbino, atlèt
- Maurice Utrillo, pelukis
Papan Wigati
[besut | besut sumber]Kutha kembar
[besut | besut sumber]Córdoba, Spanyol
Gera, Jerman
North Lanarkshire, Britania Raya
Porto Alegre, Brazil
Sesto San Giovanni, Italia
Tuzla, Bosnia dan Herzegovina
![]() |
Wikimedia Commons duwé médhia ngenani Saint-Denis. |
Cathetan suku
[besut | besut sumber]- ↑ en latin Denis se dit Dionysius, un dérivé du nom du dieu grec Dionysos
- ↑ "La liste des écoles maternelles de Saint-Denis Archived 2012-05-10 at the Wayback Machine.." Saint-Denis. Kaundhuh tanggal 12 April 2013.
- ↑ "La liste des écoles élémentaires de Saint-Denis Archived 2012-01-14 at the Wayback Machine.." Saint-Denis. Kaundhuh tanggal 12 April 2013.
- ↑ a b "Les collèges dans la ville Archived 2012-05-30 at the Wayback Machine.." Saint-Denis. Kaundhuh tanggal 12 April 2013.
- ↑ a b "Les lycées dans la ville Archived 2012-10-04 at the Wayback Machine.." Saint-Denis. Kaundhuh tanggal 12 April 2013.