Thanatos
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
![](http://178.128.105.246/content-http-upload.wikimedia.org/wikipedia/commons/thumb/b/b3/Column_temple_Artemis_Ephesos_BM_Sc1206_n3.jpg/200px-Column_temple_Artemis_Ephesos_BM_Sc1206_n3.jpg)
Thanatos (Basa Yunani: Θάνατος) inggih punika déwa kematian wonten ing mitologi Yunani. Thanatos punika ingkang mbeta mati kanthi tenang lan tentrem, kuwalikan kaliyan sedherekipun Ker minangka ingkang mbeta Dia membawa mati kanthi cara ingkang rumaos gerah sanget [1]. Thanatos punika putra Niks lan Erebos ugi gadhah sedhèrek kembar anama Hipnos. Sedhèrèk sanèsipun inggih punika Geras (déwa masa tuwa), Oizis (déwa penderitaan), Moros (déwa ajal), Apate (dewi apus krama), Momos (déwa ejekan), Eris (dewi perselisihan), Nemesis (dewi pembalasan) lan Kharon [1][2]. Thanatos asring dipungambaraken minangka priyantun ingkang gadhah swiwi.
Lelampahan Thanatos
[besut | besut sumber]Thanatos punika kalebet takdir ingkang boten saged ical kanggé manungsa, nanging piyambakipun naté kalah déning Herakles. Ing sawijining dinten, Thanatos dipunkintun supados mendhet nyawa Alkestis, ingkang nawekaken gesangipun minangka gantosing gesang garwanipun Alketis inggih punika Raja Admetos saking Firai. Herakles punika tamu ing dalemipun Admetos kala punika, kanggé paring piwales awit saking saénipun Admetos saéngga Herakles nglawan Thanatos kanggé nyawanipun Alketis. Nalika Thanatos dugi saking donya bawah kanggé mbeta Alketis, Herakles medal lajeng ngalahaken sang déwa kematian. Alkestis kondur dhateng garwanipun déné Thanatos lumayu saking buruanipun. Herakles tarung malih kaliyan Thanatos ing donya bawah nalika nembé nglampahi tugas ingkang kaping kalih welas. Thanatos kalah malih, nanging Herakles lajeng paring pangapunten marang Thanatos awit saking panyuwunipun Persefone.
Thanatos dipunwastani minangka sosok ingkang boten gadhah welas asih lan boten pandang bulu, sengit lan dipunsengiti déning para manungsa ugi para déwa. Nanging kadang kala Thanatos saged kapusan, lan Raja Sisifos saking Korintus naté nglampahi. Kala punika sampun dugi ing wekdalipun Sisifos séda, nanging Sisifos ngapusi Thanatos dumugi Thanatos boten saged menapa-napa. Punika damel boten wonten manungsa ingkang saged mati. Pungkasan Ares, déwa perang rumaos stres nalika ing medan tempur amargi boten wonten ingkang mati saking pihak kekalih ingkang nembé tempur. Ares lajeng damel Thanatos bébas lan maringaken ingkang nyulik Thanatos marang para déwa, nanging Sisifos saged lepat saking séda ingkang kaping kalih kanthi cara damel Persefone yakin supados ngonduraken balik marang garwanipun. Nanging sadèrèngipun, Sisifos lajeng dipuncekel malih lan dipunukum salawasé ing Tartaros.