Saka Wikipédia Jawa, bauwarna mardika basa Jawa
Windows Vista ya iku sistem operasi mawa basis grafis saka Microsoft kang digunakaké ana ing komputer pribadi (PC), kang minangka omah utawané kanggo bisnis, uga kanggo komputer laptop, utawané médhia center.[3] Sadurungé diumumaké kanthi jeneng Windows Vista nalika tanggal 22 Juli 2005, sistem operasi iki luwih ditepungi kanthi jeneng codename Longhorn (asalé saka jeneng Longhorn Saloon, sawijining bar kang misuwur ing Whistler, British Columbia, Kanada).[3] Microsoft ngluncuraké Windows Vista nalika tanggal 8 November 2006 kanggo naraguna bisnis, lan 30 Januari 2007 kanggo naraguna ing omah.[3] Paluncuran Windows Vista iki leté punjul limang taun sawisé paluncuran Windows XP ya iku nalika tanggal 25 Oktober 2001.[3] Microsoft pisanan mbiwara "Longhorn" nalika sasi Juli 2001, ya iku sadurungé paluncuran Windows XP kang diluncuraké nalika sasi Oktober ana ing taun kang padha.[3] Wiwitané Longhorn dikarepaké wiwit dipasaraké ing kisaran taun 2003 kang didadèkaké watu lumpatané Windows XP lan "Blackcomb" (saiki ditepungi minangka "Windows 7").[3] Kanthi alon-alon, "Longhorn" nyatané dibangun nganggo fitur-fitur kang akèh lan tèknologi anyar saka "Blackcomb", kang ndadèkaké tanggal paluncurané diundur.[3] Microsoft banjur mbiwara nalika tanggal 27 Agustus 2004 yèn perusahaan iku nglakokaké owah-owahan kang signifikan.[3] Pembangunan "Longhorn" diambali manèh lan didhasaraké marang basis program Windows Server 2003.[3] Fitur kang sadurungé diumumaké, kaya WinFS, dibatalaké.[3]