Sonic Youth
Sonic Youth | |
---|---|
![]() | |
ბიოგრაფია | |
წარმოშობა | ნიუ-იორკი, აშშ |
ჟანრ(ებ)ი | ალტერნატიული როკი, პოსტ-პანკი, ნოიზ-როკი, ექსპერიმენტული როკი, ინდი-როკი |
აქტიური | 1981–2011 |
ლეიბლ(ებ)ი | Neutral, Ecstatic Peace!, Blast First, Homestead, SST, Enigma, DGC, SYR, Interscope, Matador |
ყოფილი წევრები |
კიმ გორდონი თერსტონ მური ლი რანალდო სტივ შელი მარკ აიბოლდი რიჩარდ ედსონი ენ დემარინისი ბობ ბერტი ჯიმ სკვლავუნოსი ჯიმ ო'რურკი |
საიტი | sonicyouth.com |
Sonic Youth ვიკისაწყობში |
![](http://178.128.105.246/content-http-upload.wikimedia.org/wikipedia/commons/thumb/6/6f/Sonic_Youth_Chile_2011.png/270px-Sonic_Youth_Chile_2011.png)
Sonic Youth — ამერიკული ალტერნატიული როკ-ჯგუფი ნიუ-იორკიდან, ჩამოყალიბებული 1981 წელს. მის უკანასკნელ შემადგენლობაში შედიოდნენ: თერსტონ მური (ვოკალი, გიტარა), კიმ გორდონი (ბას-გიტარა, ვოკალი, გიტარა), ლი რანალდო (გიტარა, ვოკალი), სტივ შელი (დასარტყმელი საკრავები) და მარკ აიბოლდი (გიტარა, ბას-გიტარა). ადრეულ წლებში Sonic Youth ასოცირდებოდა ჟანრთან No Wave და ნიუ-იორკის მუსიკალურ სცენასთან. იგი იყო ნოიზ-როკის პირველი ამერიკული ტალღის წარმომადგენელი, რომელიც ამერიკულ ანდერგრაუნდში ჰარდკორ-პანკის საკუთარ ინტერპრეტაციას ქმნიდა, ამახვილებდა რა ყურადღებას ჟანრის ეთიკაზე, რომელიც ითვალისწინებს ინდივიდუალურ მუშაობას და არა სპეციფიურ ჟღერადობას.[1]
ჯგუფს ჰქონდა კომერციული წარმატება და კრიტიკოსთა მიერ აღიარება, რომელიც ახალ ათასწლეულშიც გაგრძელდა. 1990 წელს ჯგუფმა გააფორმა კონტრაქტი DGC-თან. 1995 წელს იგი ლოლაპალუზას ფესტივალის ჰედლაინერი იყო. Sonic Youth-ს აღიარებენ, როგორც „როკ-გიტარის ახალ შესაძლებლობათა დამნერგავს“,[2] განსაკუთრებით - გიტარის არასტანდარტული აწყობის მეთოდებით და გიტარაზე სხვადასხვა საგნით დაკვრით (როგორებიც იყო დასარტყმელი ჯოხები ან სახრახნისები. ითვლება, რომ ჯგუფს ჰქონდა მნიშვნელოვანი გავლენა ალტერნატიულ როკსა და ინდი-როკის მიმართულებებზე.
1999 წლის ჯგუფის მუსიკამ ახალი მსმენელი იპოვა, რომელიც XX საუკუნის კლასიკური მუსიკით და ექსპერიმენტული მუსიკით იყო დაინტერესებული. კოლექტივმა გამოსცა Goodbye, 20th Century, ორმაგი ალბომი, რომელიც შეიცავდა სხვადასხვა მუსიკოსის ავანგარდულ ჩანაწერების (მათ შორის იყვნენ იოკო ონო, ჯონ კეიჯი, პოლინ ოლივეროსი, ჯორჯ მაკიუნასი, კორნელიუს კარდიუ, ნიკოლას სიონიმსკი და კრისტიან ვოლფი) ინტერპრეტაციებს. ჯგუფს ამ პროექტში შეუერთდნენ ავანგარდული მუსიკალური სცენის სხვა მუსიკოსები - კრისტიან მარკლი, უილიამ უინენტი, უორტონ ტირსი, ტაკეჰისა კოსუგი და სხვები.
2011 წელს რანალდომ განაცხადა, რომ ჯგუფი „დროებით დასრულდა“. ეს განცხადება მოჰყვა მურისა და გორდონის გაყრას.[3]
დისკოგრაფია
[რედაქტირება | წყაროს რედაქტირება]- სტუდიური ალბომები
- Confusion Is Sex (1983)
- Bad Moon Rising (1985)
- EVOL (1986)
- Sister (1987)
- Daydream Nation (1988)
- Goo (1990)
- Dirty (1992)
- Experimental Jet Set, Trash and No Star (1994)
- Washing Machine (1995)
- A Thousand Leaves (1998)
- NYC Ghosts & Flowers (2000)
- Murray Street (2002)
- Sonic Nurse (2004)
- Rather Ripped (2006)
- The Eternal (2009)
რესურსები ინტერნეტში
[რედაქტირება | წყაროს რედაქტირება]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/35px-Commons-logo.svg.png)
- ოფიციალური საიტი
- Sonic Youth-ის ცოცხალი ჩანაწერების არქივი დაარქივებული 2011-07-28 საიტზე Wayback Machine.
სქოლიო
[რედაქტირება | წყაროს რედაქტირება]- ↑ ბრაუნი.
- ↑ ერლეუაინი, სტივენ თომას. Sonic Youth – Music Biography, Credits and Discography : AllMusic. AllMusic. ციტირების თარიღი: February 28, 2013.
- ↑ Perpetua, Matthew. (November 28, 2011) Lee Ranaldo on the Future of Sonic Youth. rollingstone.com. ციტირების თარიღი: February 28, 2013.
- Sonic Youth
- 1981 წელს ჩამოყალიბებული ჯგუფები
- ექსპერიმენტული როკ-ჯგუფები
- ამერიკული ნოიზ-როკ ჯგუფები
- Homestead Records-ის შემსრულებლები
- Blast First-ის შემსრულებლები
- SST Records-ის შემსრულებლები
- DGC Records-ის შემსრულებლები
- Geffen Records-ის შემსრულებლები
- Matador Records-ის შემსრულებლები
- Ecstatic Peace!-ის შემსრულებლები
- No wave ჯგუფები
- მსოფლიო მუსიკალური ჯილდოების გამარჯვებულები