Disneyland
Disneyland - Kaliforniyaniń Anaheim qalasında jaylasqan dem alıw baǵı bolıp, oǵan 1955-yilda tiykar salınǵan.Ol Walt Disneydiń jeke ózi joybarın tayarlawda hám qurılısında qatnasqan birden-bir park bolıp tabıladı.Walt Disney Disneylendti qurıw ideyasın 1930 -1940 -jıllarda qızları menen túrli kewil ashar baǵlarǵa kelgeninen keyin payda boladi. Ol dáslep Burbanktaģi studiyaları qasinda sayaxatshılıq attraksionin qurıwdı gózlegen edi, biraq ol tez arada usınıs etilgen jer júdá kishi ekenligin túsindi.Stanford izertlew institutın óz joybarı ushın tiyisli jerdı anıqlaw ushın, texnikalıq-ekonomikalıq tiykarlaw ushın jallaģannan keyin Disney 1953-jılda Anaheim qasındaǵı 160 akr (65 gektar) maydandı satıp aldı. Parktiń kireberisinen shıǵıw ornina shekem Walt Disneydiń ózi tárepinen toplanģan tájriybeli topar tárepinen joybarlastirilģan. Olar WED Enterprises kompaniyasına tiykar salǵan hám búgingi Walt Disney Imagineering kompaniyasınıń tiykarshilari bolıp tabıladı. Qurılıs 1954-jilda baslanǵan hám baǵ 1955-jıl 17-iyulda ABC telekanaliniń arnawlı sanında ashılǵanı daǵaza etilgen.Ashılǵaninan berli Disneylend keńeyiw hám úlken remontlaw jumısların basınan keshirdi, atap aytqanda, 1966 -jılda "Jańa Orlean" maydanı, 1972-jilda "Ayıwlar mámleketi", 1993-jilda "Mickey's Toontown" hám 2019 -jilda „Star Wars: Galaxy's Edge“ qosıldı. [1].
![](http://178.128.105.246/content-http-upload.wikimedia.org/wikipedia/commons/thumb/2/2d/Sleeping_Beauty_Castle_2019.jpg/220px-Sleeping_Beauty_Castle_2019.jpg)
Disneylend dúnyadaǵı basqa parklarģa qaraǵanda kóbirek keliwshilerge iye, ol ashılǵanınan berli (2018-jıl dekabr jaǵdayına kóre) 726 million adam kelgen. 2018-jilda parkqa shama menen 18, 6 million adam keldi, bul bolsa onı sol jılı dúnyadaǵı eń kóp kelinetuǵın „Siyqirli Patshaliq“ parkinen keyin ekinshi orındı iyelewine múmkinshilik berdi. [2] 2005-jıldaǵı Disney esabatına kóre, Disneylend kurortinda 65 700 adam is penen támiyinlendi, atap aytqanda 20 000 ģa jaqın Disney xızmetkerleri hám 3 800 kewilli jaslar (valantyor). [3] Disney 2019 -jılda „Project Stardust“ ti járiyaladı, bunda keliwshiler sanı kóbirek bolıwın esapqa alınǵan halda xizmetkerler sanın kóbeytiw názerde tutılǵan edi[4] Amerika Qospa Shtatları Federal Aviatsiya administraciyası Disneylend hám Sleeping Beauty (Uyqidaģi suliw) qorǵanı átirapındaǵı ayırım aymaqlarda qadaǵan etilgen hawa aymaǵı zonası dep járiyaladı. Bul zonada hesh qanday samolyot, atap aytqanda, reaktiv hám ushqıshsız ushıw qurılmaları ushıwı múmkin emes; bul dáreje tek Walt Disney World, Qospa Shtatlardaǵı basqa zárúrli infradúzilme bólekleri (áskeriy bazalar, Pantex) hám Amerika Qospa Shtatları Prezidenti Vashingtonnan tısqarı hesh kimge berilmegen. [5]
Tariyxı
[redaktorlaw | derekti redaktorlaw]Disneylend ideyası Walt Disneyge qızları Diana hám Sheron menen Los-Anjelestaģi Griffit Parkine kelgeninde payda bolǵan[6]. Adamlardıń maydanda seyil etiwlerin tamasha eter eken, ol úlkenler hám olardıń balaları birge barıp, dem aliwi múmkin bolǵan jer haqqındaǵı ideyanı oylap taptı, biraq oyın ámelge asırıwǵa asıqpadı. [7] Disney jobalardıń dáslepki úlgilerin 1948-jıl 31-avgustta prodyuseri Dik Kelsiģa kórip shıǵıw ushın jiberdi.Ol jerdi Disney óziniń hám Ward Kimboldiń AQSh qa sayaxatı waqtında etken esletpelerine tıykarlanıp, „Mikki Tıshqansha Parki“ dep ataǵan. [8] Adamlar Walt Disneyge Disneylentte orin buyırtpa qılıw maqsetinde xat jazǵanda, ol dáslep park bir waqitta bunsha keliwshige xızmet kórsete almasliģini aytıp keshirim soraydi hám Burbank qasında sayaxatshılar ushın jańa maydansha qurıw haqqında túrli ideyalardı ilgeri súre baslaydı[9]. Tez arada Disneylend qayiqta seyil etiwden tısqarı jáne basqa kewil ashar orinlarģa iye kishi oyın parkine aylandı. Parktiń dáslepki atı, Mikki Tıshqansha Parki dep atalǵan hám Riverside Drive boylap qublaģa segiz gektarģa sozılǵan.
![](http://178.128.105.246/content-http-upload.wikimedia.org/wikipedia/commons/thumb/8/8c/WaltDisneyplansDisneylandDec1954.jpg/220px-WaltDisneyplansDisneylandDec1954.jpg)
Esletpeler
[redaktorlaw | derekti redaktorlaw]- ↑ https://web.archive.org/web/20130724012348/http://disneyparks/. disney.go. com/blog/2017/02/star-wars-themed-lands-at-disney-parks-set -to-open-ın-2019/| website=Disneyland Resort| accessdate=31-may 2022-yil
- ↑ https://web. archive. org/web/20190607222921/http://www. teaconnect. org/images/files/328_669153_190522.pdf
- ↑ https://thewaltdisneycompany. com/
- ↑ https://web.archive.org/web/20130724012348/http://disneyparks/. disney.go. com/blog/2019/01/disneyland-resort-celebrates-60 -years-of-sleeping-beauty/
- ↑ https://tfr. faa.gov/save_pages/detail_4_3635. html
- ↑ https://www. disneyinternational. com/
- ↑ https://www. sfgate. com/disneyland/article/This-iyis-the-exact-spot-ın-LA-that-inspired-15644142.php
- ↑ https://www. waltsapartment. com/walts-first-vision-of-disneyland/
- ↑ https://www. thehenryford. org/exhibits/pic/2005/september. asp| access-date=2022-05-31| archivedate=2016 -02-09| archiveurl=https://web. archive. org/web/20160209183317/http://www. thehenryford. org/exhibits/pic/2005/september. asp