Frida Kahlo
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
![](http://178.128.105.246/content-http-upload.wikimedia.org/wikipedia/commons/thumb/3/3a/Frida_Kahlo_Diego_Rivera_1932.jpg/220px-Frida_Kahlo_Diego_Rivera_1932.jpg)
Magdalena Carmen Frida Kahlo y Calderón * 6. Juli 1907; † 13. Juli 1954) woch ön Möhlerin us Mexiko, di dörch surrealistische Belder bekannd wood.
Hör Lääve
[Ändere · der Quälltäx ändere]Frida Kahlo wood en ön Vöörstadt va Mexiko-City jeboore. Sö woch d Doohter van önö Fotojraf. Em Alder va 6 Joohr erkrankde sö a Kinderlähmung, woronger hör rääte Bee läävenslang lett. No önö Onvall am 17. September 1925, beij dr sö schwoch vorlätzt woode woch, mood sö lang em Bett bliive un vong öt Mohle an. Kott dono entstäng öt ischde Sälvbeldnis „Sälvsbeldnis met Samtkleed“. Öt sooch zwar em ischde Moment schläät us ävver Frida liire wärm öt Loufe.
Am 21. August 1929 hiirode Frida Kahlo dä och us Mexiko stammende Möhler Diego Rivera. Em Januar 1930 trock sö no Cuernavaca, wo sö jruuße Belder am Palast von Cortéz mohlde. Anger Opdräch us d USA koome Frieda jelääge, da d politische Situation ä Mexiko jädde Daach schlemmer wood. Nodäm sö beij önö Opdrach, ö jruuße Wandbeld vöör öt Roockeveller Center z mohle, ö Beld va Lenin äjebouwd hod, wood hör dr Opdrtach enttrocke.
Em Sommer 1934 leed Frieda sich va hörö Mann scheede, dä Küdelcher jehad hod.
Frieda ongerstötzde dä russische Revolutionär Leo Trotzki. Ön Affär met häm weed hör nojesaad. Naame va anger Männer wäde och jenannd.
Frieda storv em Joohr 1954, mo nämmt an, dat sö sich sälvs ömbraad hod.