Wilfred Melville Bennetto
Wilfred Melville Bennetto | |
---|---|
Genys |
1902 ![]() |
Mernans |
1994 ![]() |
Galwesigeth |
prydydh ![]() |
Wilfred Melville Bennetto (11 Est 1902 – 11 Est 1994) o dyskader, novelydh, prydydh ha bardh Kernewek.
Bewnans a-varr ha teylu
[golegi | pennfenten]Genys veu Wilfred Bennetto (aswonys ynwedh gans y leshanow lienek Melville Bennetto) yn 1902 yn Tregarrek, an tressa a beswar mab dhe Barnabas Brice Bennetto ha Clare Agnes née Doney. Dyskader yn skol gynsa o y das. Ughelhwans Wilfred o dos ha bos dyskader, yn kethsam maner ha dew a'y vreder. Ytho wosa gradhya dhyworth Pennskol Bristol yn 1922 yn Yeth ha Lien Sowsnek ha kavos testskif adhysk an vledhen wosa henna, ev a removas dhe Surrey le mayth oberas yn skol vebyon Portland Road yn South Norwood, Loundres. Ynter 1943 ha 1964, ev o skolvester yeth Sowsnek yn Skol Ramasek Sedhurst rag mebyon yn Croydon. Gweythresek o y'n Unyans Kenedhlow kyns Nessa Bresel an Bys.
Yn 1929 ev a dhemedhis Kitty Dawes Scrivens yn Surrey. I a gavas diw vyrgh.
An yeth Kernewek
[golegi | pennfenten]Berdhys veu yn 1968 yn Lanust gans an hanow bardhek Abransek.
Solempnya tus gevos a vri yn bewnans Kernow a vedha y brydydhieth keffrys ha'n gnasow istorek ha mythologiek gerys-da yn bardhonieth kernewek y'n termyn na. Ensampel yw Bedwyr: Po an Balores Dhewetha, dyllys yn An Lef Kernewek yn 1969. Ev a skrifas An Gurun Wosek a Geltya an novel hir kynsa yn Kernewek bythkweth. Skrifys yw a berspektif monarghydh, ow hwedhla istori romansek soudor a Gernow ha myrgh a Iwerdhon.
Dyllansow avel Melville Bennetto
[golegi | pennfenten]- An Lef Kernewek (1969)
- Kernow (1974).
- Whethlow Pymp Mynysen Pennsans :Dyllys gans Headland Printing (1974)
- Whethlow Kernewek (1978)
- And Shall Tregeale Die?, Headland Pubns, Pennsans (1979) ISBN 0-905920-09-0
- An Gurun Wosek a Geltya, Dyllansow Truran (1984) ISBN 1-85022-000-X
- The Saints of Cornwall: and Other Poems Dyllansow Truran (1986) ISBN 1-85022-023-9