Havana
![Havana: insigne](http://178.128.105.246/content-http-upload.wikimedia.org/wikipedia/commons/thumb/9/95/Coat_of_arms_of_La_Habana.svg/85px-Coat_of_arms_of_La_Habana.svg.png)
Locus: 23°8′12″N 82°21′32″W
Numerus incolarum: 2 141 652, 2 492 618, 2 089 532
Zona horaria: UTC-5
Situs interretialis
Nomen officiale: La Habana
Gestio
Procuratio superior: Havana Province
Geographia
Coniunctiones urbium
Havana[1][2] sive Avana[3][4] (vulgo La Habana)[5] est caput et maxima urbs Cubana. Provincia a se ipsa constituitur. Media urbs inter hereditatem mundialem ab UNESCO enumeratur.
Historia
[recensere | fontem recensere]Oppidum nomine pleno villa de San Cristóbal de la Habana die 25 Augusti anno 1515 a Didaco Velázquez de Cuéllar ad litus australe insulae Cubae iuxta ostia fluminis Mayabeque conditum est. De situ autem et de anno disputatur: quidam 1514, nonnulli iuxta urbem hodiernam Batabanó dicunt.[6] Origo autem nominis nescitur. Ex hoc portu litoris australis, nomine Havana, die 18 Februarii 1519 Ferdinandus Cortes expeditionem suam ad Yucataniam et Mexicum conduxit.[7]
Urbs autem ad locum tempore nostro celebrum iuxta portum magnum ad litus septentrionale Cubanum eodem fere anno mota est. Mox caput gubernationis totius insulae facta est. Navigationes trans Oceanum Atlanticum, ab Hispania abeuntes, saeculis XVI, XVII, et XVIII huc dirigi solebant ut longinquius ad regnum Novae Hispaniae attingerent. Ita Havana, caput insulae admodum pauperae, emporium factus est regionum divitissimarum. Propter hanc saepe ab inimicis piratisque obsessa est. Anno 1634 decreto regis Hispanici Havana agnominibus llave del Nuevo Mundo y antemural de las Indias Occidentales laureata est, scilicet "clavis Novi Mundi et propugnaculum Indiarum Occidentalium".
Havana breviter, annis ab 1762 ad 1763, in dicione Britannica iacebat. Havana et insula omni a Civitatibus Foederatis annis ab 1898 ad 1902 possessis, libertate Cubana anno 1902 vindicata, Havana ab hoc anno urbs capitalis fuit civitatis novae.
Cultura
[recensere | fontem recensere]![](http://178.128.105.246/content-http-upload.wikimedia.org/wikipedia/commons/thumb/a/ad/Havana_view_1639.png/280px-Havana_view_1639.png)
Havana est sedes archidioecesis Avanensis, cuius praesens archiepiscopus est Iohannes de Caritate García Rodríguez. Ecclesia principalis, anno 1748 ab Iesuitis constructa, anno 1777 in cathedralem conversa est. Anno 1728 universitas Havanensis condita est patronatu tam pontificio quam regio, nomine pleno Hispanico Real y Pontificia Universidad de San Gerónimo de La Habana.
Commeatus
[recensere | fontem recensere]Ab aliis insulis et civitatibus, sed etiam ab urbibus insulae ipsius Cubae distantioribus, Havana per aëroplana attingitur quae ad aëroportum José Martí Havanensem descendunt. A Londinio, Mediolano, Matrito, Amstelodamo, Turico, Moscua urbibus Europaeis, a Luanda Africae, a Quito, Lima, Bogota, Mexicopoli urbibus Americanis, et a nonnullis urbibus mediae Americae insularumque Caribicarum ad Havanam itur. Ab urbibus Civitatum Foederatarum, praecipue a Miamia, multi lege privata veniunt.
Tramina ferriviaria ab omnibus insulae Cubae regionibus crebriter Havanam petunt atque a pagis suburbanis huius urbis. Laophoria ad societates publicas duas pertinentes inter regiones urbanas suburbanasque eunt, societatis Havana MetroBus itineribus brevioribus, Omnibus Metropolitanos longioribus, vehiculis praecipue in Serica constructis.
Clima
[recensere | fontem recensere]Sicut insulae Cubanae fere omnis, urbi Havanae clima est tropicum savanense per enumerationem Köppen–Geiger, temperatura aëris media mensibus Ianuario et Februario 22° atque mense Augusto 28°, minima inter 19° et 24°, maxima inter 26° et 31°; pluviis mense Martio ad 46 mm tantum, mense Septembri 144 mm, mense Octobri 180 mm, mense Iunio non minus quam 182 mm elevatis; diebus pluviosis per annum totum fere 80 accidentibus; humiditate relativa inter mensuras 72% et 80%,[8] temperatura maris inter 23° mensibus Ianuario et Februario et 28° ab Iunio ad Septembrem reperta.
Coniunctiones communium
[recensere | fontem recensere]Notae
[recensere | fontem recensere]- ↑ Iohannes Iacobus Hofmannus, Lexicon universale (1698) ~. Albert Sleumer, Kirchenlateinisches Wörterbuch (ISBN 3-487-09374-X) p. 376
- ↑ "Magnus portus S. Christophori de Habana" (vide p. 54 apud Google Books).
- ↑ Albert Sleumer, Kirchenlateinisches Wörterbuch (ISBN 3-487-09374-X) p. 142
- ↑ Vb. adiect. "Avanensis", cf. "Archidioecesis Avanensis" e The Hierarchy of the Catholic Church (situs a Davide M. Cheney elaboratus) (Anglice). "Havanensis", cf. nomen botanicum Ageratina havanensis
- ↑ José Toribio Medina, La imprenta en la Habana (1707-1810). Secundum hunc fontem, Hispani orthographiá Havana saeculo undevicensimo et antea saepissime usi sunt.
- ↑ Vide Abilio González González, Ricardo Álvarez Portal, Sara Interián Pérez, "San Cristóbal de la Habana en el sur."
- ↑ Hugh Thomas, The Conquest of Mexico (1993) pp. 149-161.
- ↑ "Havana, Cuba" apud World Weather Information Service.
Bibliographia
[recensere | fontem recensere]![](http://178.128.105.246/content-http-upload.wikimedia.org/wikipedia/commons/thumb/d/dd/Palacio_del_Centro_Asturiano.jpg/220px-Palacio_del_Centro_Asturiano.jpg)
- "Elogian capital humano en restauración de La Habana" in Digital Granma internacional (7 Decembris 2006). (Hispanice)
- Gregorio Delgado Fernández, "La cartografía Cubana del siglo XVI, el Capitán Don Bartolomé Cepero, y la fundación de la Habana junta al río Onicajinal o Mayabeque" in Cúspide (15 Octobris 1937). (Hispanice)
- Gerhard Drekonja-Kornat, ed., Havanna. Vergangenheit, Gegenwart, Zukunft. Monasterii: LIT Verlag, 2007. ISBN 978-3-7000-0648-0. (Theodisce)
- Barbara Dröscher, Havanna Lektionen. Kuba zwischen Alltag, Kultur und Politik. Berolini: Tranvía, 2011. ISBN 978-3-938944-51-6 (Theodisce)
- Reinhard Kleist, Havanna. Eine kubanische Reise. Carlsen, 2008. ISBN 978-3-551-73434-1. (Theodisce)
- Naomi Larsson, "Havana's dirty truths: rubbish-strewn streets spark anger at city's failings" in The Guardian (5 Septembris 2016). (Anglice)
- Eduardo Luis Rodriguez, The Havana Guide – Modern Architecture 1925–1965. Novi Eboraci: Princeton Architectural Press, 2000. ISBN 1-56898-210-0. (Anglice) (Paginae selectae apud Google Books)
- Aliae encyclopaediae
- James Nelson Goodsell, "Havana: national capital, Cuba" in Encyclopaedia Britannica Online
Nexus externi
[recensere | fontem recensere]![](http://178.128.105.246/content-http-upload.wikimedia.org/wikipedia/commons/thumb/b/b2/Cuba_LaHavana_Street_%28www.pixinn.net%29.jpg/220px-Cuba_LaHavana_Street_%28www.pixinn.net%29.jpg)
![]() |
Vicimedia Communia plura habent quae ad Havanam spectant. |
- "Ciudad de La Habana" (2010) apud Oficína Nacional de Estadísticas (Hispanice)
- "Transporte y servicios en La Habana" (Hispanice)
- Municipios de La Habana (.pdf) apud regimen urbanum (Hispanice)
- Oficina del Historiador de La Ciudad de La Habana ("officina historiographi urbis Havanae") (Hispanice)
- Abilio González González, Ricardo Álvarez Portal, Sara Interián Pérez, "San Cristóbal de la Habana en el sur" apud Mayaweb (Hispanice)
- Old Havana and its Fortification System apud UNESCO World Heritage List (Anglice, Francogallice)
- Eusebio Leal Spengler, "Historia de La Habana" (Hispanice)
- Arquitectura Habana .org (Hispanice)
- La Habana: guía de arquitectura (.pdf) (Hispanice)
- Plan Maestro de Rehabilitación Integral de la Habana Vieja (.pdf) (Hispanice)
Angelopolis in California • Angelopolis in Mexico • Antoniopolis • Calgaria • Civitas Iuarezensis • Dallasium • Didacopolis • Dominicopolis • Ecatepec de Morelos • Guadalaxara • Havana • Hustonia • Leon • Managua • Mexicopolis • Mons Regius • Monterrey • Nezahualcóyotl • Novum Eboracum • Philadelphia • Phoenix • Portus Principis • Sicagum • Tigiuana • Torontum • Urbs Guatimalensis • Zapopan
Ordine alphabetico enumeratae: Belmopanum • Castries • Dominicopolis • urbs Guatimalensis • Havana • Ima Tellus • Kingstown • Managua • Mexicopolis • Nassovia • Ottavia • urbs Panamensis • Pontipolis • Portus Hispaniae • Portus Principis • Regiopolis • Roseau • urbs Sancti Georgii • urbs Sancti Ioannis • urbs Sancti Iosephi • urbs Sancti Salvatoris • Tegucigalpa • Vasingtonia
Sub civitatum nominibus annexae: Antiqua et Barbuda • insulae Bahamenses • Barbata • Beliza • Canada • Civitates Foederatae Americae • Cuba • Dominica • res publica Dominicana • Granata • Guatimalia • Haitia • Honduria • Iamaica • Mexicum • Nicaragua • Costarica • Panama • Salvatoria • Sancta Lucia • Sanctus Christophorus et Nives • Sanctus Vincentius et Granatinae • Trinitas et Tabacum