Neva
![]() | |
Longitudo | 74 chm |
---|---|
Altitudo fontis | 4,29 m |
Decursus aquae | 2500 (ad pontem Volodarskii) m³/s |
Area systematis | 281 000 chm² |
Fons | Ladoga Schlusselburgi |
Ostium | Sinus Finnicus Petropoli |
Regio | regio Leninopolitana |
Neva[1] seu Nieva[2] (Russice Нева) est flumen in Russia, in regione Leninopolitana et Petropoli. Breve est, sed aquosissimum; nam lacuum Ladogae et Onegae et Ilmeni et Saimae aquas omnes fert.
![](http://178.128.105.246/content-http-upload.wikimedia.org/wikipedia/commons/thumb/4/43/Albert_Nikolaevich_Benois_An_der_Newa.jpg/220px-Albert_Nikolaevich_Benois_An_der_Newa.jpg)
Fluxus
[recensere | fontem recensere]E lacu Ladoga fluit, 74 chiliometra patet et in Sinum Finnicum Maris Baltici effunditur per deltam magnam, ubi, in multa deverticula divisa, permultas insulas facit. Schlusselburgum urbs in fonte Nevae situm est et Petropolis in delta eius.
![](http://178.128.105.246/content-http-upload.wikimedia.org/wikipedia/commons/thumb/8/88/Martynov_Summer_Palace_of_Peter_I_1809.jpg/220px-Martynov_Summer_Palace_of_Peter_I_1809.jpg)
Systema aquarium
[recensere | fontem recensere]Canalis Ladogensis vetus e Volchova flumine et canalis Ladogensis novus e Svire secundum litus Ladogae ducentes cum Neva Schlusselburgi coniunguntur. Tosna est accola Nevae longissimus, Mga alter, Ochta ipsa in Petropoli in Nevam se effundit.
![](http://178.128.105.246/content-http-upload.wikimedia.org/wikipedia/commons/thumb/4/4a/Silvestr_Feodosievit%C5%A1_%C5%A0t%C5%A1edrin_%281791%E2%80%931830%29-_A_View_from_St._Petersburg_-_N%C3%A4kym%C3%A4_Pietarista_-_Vy_fr%C3%A5n_Petersburg_%2829433021226%29.jpg/220px-Silvestr_Feodosievit%C5%A1_%C5%A0t%C5%A1edrin_%281791%E2%80%931830%29-_A_View_from_St._Petersburg_-_N%C3%A4kym%C3%A4_Pietarista_-_Vy_fr%C3%A5n_Petersburg_%2829433021226%29.jpg)
Delta Nevae
[recensere | fontem recensere]Insularum maxima est insula Basilii inter Nevam Maiorem et Nevam Minorem. Nevula Maior, quae iam fluxu superiore a Neva abiit, a parte Viburgiensi (sic Petropoli Nevae ripa septentrionalis nuncupatur, nam inde via ad Viburgum fuit) partem Petropolitanam (Petrogradskaia storona) dictam separat necnon regionem, quae tota Insulae (Ostrova) appellatur. Nevula Minor partem Petropolitanam ab Insulis separat et cum Neva Minore aestuarium commune habet.
Insula maxima partis Petropolitanae insula eiusdem nominis (Petrogradskij) est. Prope eam insula Leporina parva sita est, in qua Arx Petri et Pauli aedificata est. Insulam Apothecariam ab insula Petropolitana Karpovka deverticulum separat et insulam Petri Ždanovka.
Insulae maiores tres sunt: insulam Lapideam ab insula Crucis Krestovka deverticulum separat easque ambas ab insula Elaginis Nevula Media.
Ripa Nevae laeva, quae et australis est, Petropoli medio pars Admiraliatus (de aedificio Admiraliatus Principalis hic sito) nuncupabatur. Multis deveticulis parvis et canalibus dissecata est. Maior eorum est Fontanka, quae partem mediam urbis omnem circumvenit, a Neva in laevam partem abiens et cum Nevam Maiorem in ostio eius conungens. A Fontanka haud longe a fonte Moika in partem dextram abit, quae secundum Nevam fluit et in Nevam Maiorem effunditur. A Moika haud longe a fonte canalis Griboedov in laevam partem abit, qui post multas versuras in Fontankam influit. Moika cum Neva duobus canaliculis coniuncta est, canaliculo Cygnorum et canaliculo Hiemali. Priažka a Moika iuxta ostium eius in laevam partem abit et Nevam Maiorem se effundit.
Fontankae ripa laeva australis est insula Innominata, quam canalis Circumductionis[3], Nevam per rivum Catharinhofianum cum portu marino coniungens, a terra continente separat.
Insula Rotunda[4], ad meridiem ab ostio Nevae Maioris iacet, ubi portus maritimus Petropolitanus situs est.
Notae
[recensere | fontem recensere]- ↑ Novi commentarii Academiae scientiarum imperialis petropolitanae (1772), tomus XVI., p. 701.
- ↑ I. Hofmannus, Lexicon universale (1698), tomus III., p. 322.
- ↑ Obvodnyi.
- ↑ Russice Kruglyj, nunc insulae Gutuevskij pars, — Flora Petropolitana, Petropoli 1799, p. 61 (Textus apud Google Books)
Nexus interni
[recensere | fontem recensere]Nexus externi
[recensere | fontem recensere]![]() |
Vicimedia Communia plura habent quae ad Nevam spectant. |
![]() |
Situs geographici et historici: Locus: 59°57′24″N 31°2′44″E, 59°56′41″N 30°18′34″E • OpenStreetMap • GeoNames • Store norske Lexikon |