Quadra fictilis
![](http://178.128.105.246/content-http-upload.wikimedia.org/wikipedia/commons/thumb/5/52/Louvre_-_carreaux_ottomans_08.jpg/220px-Louvre_-_carreaux_ottomans_08.jpg)
Quadra fictilis[1] sunt laminae ex argilla testa factae, quae ad firmandum et decorandum muros et areas quam foris tam et intus aedificiorum usurpantur. Saepius formam quadrati vel rectanguli habent, sed quadrae diversarum formarum produci possunt et producebantur. Poliri et ornamentis ad opus tessellatum componendum decorari possunt, sed saepe et impolita et sine ornamentis quadra producitur.
![](http://178.128.105.246/content-http-upload.wikimedia.org/wikipedia/commons/thumb/6/6c/Berlin_-_Pergamon_Museum_-_Persian_warriors_-_20150523_6849.jpg/220px-Berlin_-_Pergamon_Museum_-_Persian_warriors_-_20150523_6849.jpg)
Historia
[recensere | fontem recensere]In Mesopotamia antiqua quadrae fictiles ad aedificia decoranda inventae sunt. Templum Elamiticum in Choghā Zanbil urbe saeculo XIII a.C.n. sic decoratum est. Porta Ištar famosa c. annum 575 a.C.n. constructa tota quadris fictilibus obtecta est. Multa ornamenta quadris collecta in Persepoli et in Susis Achaemenidarum capitibus servantur. In mundo Islamico, ubi animalia figurata prohibita erant, ornamenta e quadris fictilibus floruerunt.
In Roma antiqua opera tessellata non laminis fictilibus, sed fragmentis marmoris coloris varii colligebantur, quae ars opus sectile appellabatur.
Notae
[recensere | fontem recensere]- ↑ Asbiorni (Ebbe) Vilborg Norstedts svensk-latinska ordbok. s.v. Kakel (cf. Vitr. III 4, 4; 5, 2; 5, 5). Cf. lamna fictilis (Lexicon Morganianum s.v. tile), laterculus (Cf. versionem Latinam vocabuli Hispanici baldosa apud Iosephum Ioannem del Col (2007). Diccionario Auxiliar Español-Latino. Sinu Albo: Institutum Superius Ioannes XXIII. p. 122. ISBN 9789509771345 [PDF]).
Nexus externi
[recensere | fontem recensere]![]() |
Vicimedia Communia plura habent quae ad quadram fictilem spectant. |