Saadi
![](http://178.128.105.246/content-http-upload.wikimedia.org/wikipedia/commons/thumb/3/36/Sadi_in_a_Rose_garden.jpg/220px-Sadi_in_a_Rose_garden.jpg)
Abū-Muhammad Muslih al-Dīn bin Abdallāh Shīrāzī[1] (Persice ابومحمد مصلحالدین بن عبدالله شیرازی), nomine litterario Saadi (et Saadi Sirasiensis[2], Persice سعدی شیرازی Saadi Shirazi) notissimus, fuit poeta et auctor Persicus[3][4] aevi medii. Natus Sirasio in urbe Persica circa annum 1208; ibidem mortuus est anno 1291 aut 1292.
![](http://178.128.105.246/content-http-upload.wikimedia.org/wikipedia/commons/thumb/a/a5/Sadi1.jpg/220px-Sadi1.jpg)
Virtute eius scripturarum et profunditate eius cogitatorum socialium moraliumque innotuit. Late habetur unus e maximis classicae traditionis litterariae poetis; ergo eius epitheton inter eruditos linguae Persicae: "Dominus orationis" (Persice استاد سخن), breviter "Dominus."
Opera
[recensere | fontem recensere]Bustanum (Hortus fructuum) est poema Saadi principale, praecepta sufica docens. Gulistanum[5] (Hortus florum, Terra florum, vel Rosarium, ut Georgius Gentius vertit), partim versibus, partim oratione soluta anno 1258 compositus, proverbia multa et narrationes continet. Praeter ea opera lyrica permulta reliquit.
![](http://178.128.105.246/content-http-upload.wikimedia.org/wikipedia/commons/thumb/d/d1/The_Rose_Garden_-_WDL.tiff/lossy-page1-220px-The_Rose_Garden_-_WDL.tiff.jpg)
Citationes
[recensere | fontem recensere]Praeterea citatus est in traditionibus Occidentalibus. Alexander Pushkin, unus ex celeberrimis poetis Russicis, Saadi sic citat in Eugenio Onegin poemate suo: "ut iamdudum cecinit Saadi, 'nonnulli remotissimi, nonnulli mortui sunt.'"[6] Gulistanum nonnullas fabulas Ioannis de la Fontaine movit. Beniaminus Franklinius in DLXXXVIII A Parable on Persecution, uno e suis operibus, nonnullas parabolas e Bustano libro Saadiensi citat, fontem ut videtur ignorans.[7] Radulphus Waldo Emerson, qui scripturas Saadienses etiam legit (solum autem Anglice), opera Saadiensia cum Bibliis Sacris pro sapientia et pulchritudine narrationis comparat.[8]
Baracus Obama praeses Civitatum Foederatarum primos cuiusdam poematis versus in salutatione Novi Anni ad populos Iraniae die 20 Martii 2009 sic citavit, "Verba meminerimus quae a Saadi poeta abhinc permultos annos scripta sunt: 'Liberi Adami membra inter se sunt, ex una essentia creata.'"[9][10]
Versio Latina
[recensere | fontem recensere]Gulistanum Georgius Gentius(d)[11] Latine vertit et edidit anno 1651.
Opera selecta
[recensere | fontem recensere]- 1981. Aus dem Diwan. Ed. Annemarie Schimmel. Stutgardiae: Reclam. ISBN 3-15-007944-6.
- 1990. Saadi’s Bostan. Osnabrück: Biblio-Verlag. ISBN 3-7648-0592-7.
- 2001. Saʿdi der Weise: Die Lieder und Sprüche des Saʿdi. Kelkhamiae: Yinyang-Media-Verlag. ISBN 3-9806799-6-9.
- 2004. Hundertundeine Geschichte aus dem Rosengarten: Ein Brevier orientalischer Lebenskunst. Monaci et Turici: Piper. ISBN 3-492-24334-7.
Mausoleum
[recensere | fontem recensere]-
Opus tesellatum in mausoleo
-
Sepulcrum Saadi in mausoleo
-
Sepulcrum Sheikh Saadi ab Eugenio Flandin, 1851
-
Sepulcrum Saadi a Pascal Coste, 1867
-
Sepulcrum Saadi e caelo, 20 Aprilis 2014
-
Aditus ad sepulcrum Saadi's, 20 Aprilis 2014
Notae
[recensere | fontem recensere]- ↑ Kathryn Hinds, The City. Google Books. Books.google.com.pk.
- ↑ Schirasiensis, — Gabrielis Geitlin(fi) Specimen academicum "Pendnâmeh" sive librum consiliorum Scheich Musliheddin Saadi Schirasiensis..., Helsingforsiae 1835; Shirazensis, — Catalogi librorum manuscriptorum Angliae et Hiberniae..., vol. I, 1697.
- ↑ Encyclopedia Iranica: "SAʿDI, Abu Moḥammad Mošarref-al-Din Moṣleḥ b. ʿAbd-Allāh b. Mošarref Širāzi, Persian poet and prose writer (b. Shiraz, ca. 1210; d. Shiraz, d. 1291 or 1292), widely recognized as one of the greatest masters of the classical literary tradition."
- ↑ Encylopaedia Britannica: "Saʿdī, also spelled Saadi, byname of Musharrif al-Dīn ibn Muṣlih al-Dīn, (born c. 1213, Shīrāz, Iran—died Dec. 9, 1291, Shīrāz), Persian poet, one of the greatest figures in classical Persian literature."
- ↑ Codices Orientales Bibliothecae regiae Hafniensis, pars I, 1846, p. 130; Journal d'Antoine Galland..., vol. I, Lutetiae 1881, p. 116.
- ↑ Textus poematis[nexus deficit] hic legi potest.
- ↑ Yohannan 1977: xxv-xxvi.
- ↑ Milani 2004: 39.
- ↑ Anglice: "Let us remember the words that were written by the poet Saadi, so many years ago: 'The children of Adam are limbs to each other, having been created of one essence.'"
- ↑ "US President Obama's New Year's greeting to the people of Iran, March, 2009". web.archive.org.
- ↑ De Gentio (Nederlandice)
Bibliographia
[recensere | fontem recensere]- Browne, E. G. 1998. Literary History of Persia. 4 vol. ISBN 0-7007-0406-X.
- Chopra, R. M. 2014. "Great Poets of Classical Persian." Colcatae: Sparrow Publications. ISBN 978-81-89140-75-5.
- Katouzian, Homa. 2006. Sa'di, the Poet of Life, Love and Compassion. Studium Saadi et eorum operum. ISBN 1-85168-473-5.
- Milani, A. 2004. Lost Wisdom. Vasingtoniae. ISBN 0-934211-90-6.
- Rypka, Jan. 1968. History of Iranian Literature. Reidel Publishing Company. OCLC 460598. ISBN 90-277-0143-1.
- Persian Language & Literature: Saadi Shirazi.
- Thackston, W. M. 2008. The Gulistan of Sa'di. Textus Persicus et Anglicus. ISBN 978-1-58814-058-6.
- Wikens, G, M. 1985. The Bustan of Sheikh Moslehedin Saadi Shirarzi. In Anglicum conversus, cum textu primo. Iranian National Commission for Unesco, No. 46.
- Yohannan, J. D. 1977. Persian Poetry in England and America: A Two Hundred Year History. Novi Eboraci: Caravan Books. ISBN 978-0882060064.
Nexus externi
[recensere | fontem recensere]![]() |
Vicicitatio habet citationes quae ad Saadi spectant. |
![]() |
Vicimedia Communia plura habent quae ad Saadi spectant. |
- Musladini Sadi Rosarium Politicum, Sive Amoenum Sortis Humanae Theatrum (Georgii Gentii versio Latina)
- The Bustan of Saadi. Editio Anglica ab A. Hart Edwards, 1911.
- The Gulistan of Sa'di.
- The Bustan of Saadi. Iran Chamber,
- Photographema sepulcri Saadi.
- "Verses in Persian and Chaghatay."
- Ghazal Saadi.
- Photographema tapetae quae Bani Adam continet, Consociationi Nationum concessae. Vide Payvand News, 24 Augusti 2005.
- Bani Adam Persice recitatum ab Amir H. Ghaseminejad.
- Introductio ad Golestan Persice recitatum ab Hamidreza Mohammadi.