François Altwies
François Altwies | |
---|---|
Gebuertsnumm | Franz Joseph Altwies |
Gebuer |
11. Dezember 1869 Réimech |
Gestuerwen |
5. Juli 1936 Lëtzebuerg |
Nationalitéit | Lëtzebuerg |
Educatioun | Athénée de Luxembourg |
Aktivitéit | Politiker, Nottär |
Partei | Rietspartei |
![]() |
De François Altwies gebuer den 11. Dezember 1869 zu Réimech, a gestuerwen de 5. Juli 1936 an der Stad Lëtzebuerg[1], war e Lëtzebuergesche Politiker, Affekot an Nottär.
De François Altwies gouf 1897 Nottär zu Jonglënster an duerno vun 1922 un an der Stad Lëtzebuerg.
Den 20. Juni 1911 gouf hie fir d'éischt als Deputéierte vum Kanton Gréiwemaacher an d'Chamber gewielt. Wéi 1914 d'Rietspartei gegrënnt gouf huet hie sech där ugeschloss, fir déi hien 1915 an 1918 als Deputéierten erëmgewielt gouf.
Hie war zesumme mam Émile Prüm, Joseph Bech, am Auguste Thorn ee vun den Haaptleit an der Rietspartei.
Den 28. Juni 1917, wéi de Léon Kauffman Premier gouf, gouf den Altwies Vizepresident vun der Chamber, an e puer Méint duerno gouf hien als Nofollger vum Edouard Hemmer Chamberpresident, wat e bis 1925 blouf.
Bei de Wale vum 26. Oktober 1919, déi éischt nom Éischte Weltkrich, an no der Verfassungsännerung vum 15. Mee am selwechte Joer, bei där d'allgemengt Walrecht an de Proporzsystem applizéiert goufen, gouf hie fir d'Circonscriptioun Zentrum gewielt, a koum och erëm 1925 an 1931 an d'Chamber.
De 6. Mäerz 1933 gouf hie Member vum Staatsrot an ass dat bis zu sengem Doud bliwwen[2].
De François Altwies hat sech den 21. Mee 1901 mat der Elise Wurth bestuet.
Gielercher
[änneren | Quelltext änneren]- Lëtzebuerg:
- Ordre de Mérite civil et militaire d'Adolphe de Nassau (Grand Officier)
- Ordre de la couronne de chêne (Grand Officier)
- Belsch: Ordre de la Couronne (Grand Croix)
- Frankräich: Légion d'honneur (Commandeur)
- Italien: Ordine della Corona d'Italia (Cavaliere di Gran Croce)
Referenzen
[Quelltext änneren]- Gebuer 1869
- Gestuerwen 1936
- Lëtzebuergesch Nottären
- Lëtzebuergesch Deputéiert
- Commandeur de la Légion d'honneur
- Grand officier de l'ordre de la couronne de chêne
- Lëtzebuergesch Chamberpresidenten
- Membere vum Staatsrot zu Lëtzebuerg
- Grand officier de l'ordre de mérite civil et militaire d'Adolphe de Nassau
- Grand-Croix vum Ordre de la Couronne
- Membere vun der Assemblée constituante vun 1918