Jean Wolf
Ausgesinn
Jean Wolf | |
---|---|
Gebuer | 6. Abrëll 1830 |
Gestuerwen | 5. Juni 1880 |
Nationalitéit | Lëtzebuerg |
![]() |
De Jean Wolf, gebuer de 6. Abrëll 1830 zu Bous a gestuerwen de 5. Juni 1880 zu Bouneweg, war e Lëtzebuerger Kraaftmënsch.
Dem John Grün säi Virgänger, den Herkules Wolf, genannt De Fiels vu Lëtzebuerg ass zäitweileg a Frankräich opgetrueden. An enger Liewensbeschreiwung, déi zu senge Liefzäiten erauskoum[Source?], gëtt allerhand erzielt:
- Den 29. Juli 1854 trëtt de Wolf zu La Chapelle Saint-Denis op. Hie bréngt et fäerdeg fir 6 Eisebunnswaggone vun deene jiddweree mat 1000 Kilo belueden ass, weiderzezéien.
- De 6. August 1854 hieft de Fiels vu Lëtzebuerg zu Paräis e Won, an deem 20 Zaldote sëtzen, mam Réck an d'Luucht, soudatt d'Rieder konnte fräi gedréit ginn. Dat Ganzt hat e Gewiicht vun 1800 Kilo.
- De 16. Oktober 1854 leet de Premier Hercule de l'Europe sech zu Le Havre mat engem Léiw un, dee kuerz virdru sengem Meeschter e Bier zerrappt hat. De Lëtzebuerger Herkul huet em d'Genéck gebrach.
De Jean Wolf, deen 1 Meter 70 grouss war an tëscht 95 an 100 Kilo gewien huet, gouf spéider vum Keeser Napoleon III. wéinst senge Leeschtungen dekoréiert.
Literatur
[änneren | Quelltext änneren]- P. Thorn: John Grün, Roi de la Force, der stärkste Mann der Welt 1868/1912, Luxemburg-Bahnhof, Buchdruckerei Fr. Bourg-Bourger, 1921