Bagete
![](http://178.128.105.246/content-http-upload.wikimedia.org/wikipedia/commons/thumb/f/f5/Baguettes_-_stonesoup.jpg/194px-Baguettes_-_stonesoup.jpg)
Un bagete es un pan franses plata e longa cual es comun fada de pasta magra fundal (la pasta, an no la forma, es definida par la lege franses e la lege italian). Lo es distinguable par sua longia e sua crosta cracosa.
La bagete es fada con farina, acua, fermento e/o fermentante e sal. On no usa ovo, produidas letin o olio.
Un bagete ave un diametre de sirca 5 o 6 sentimetres e un longia tipal de 65 sentimetres, an si un bagete pote es de asta un metro.
Istoria
[edita | edita la fonte]La parola "bagete" ia no es usada per refere a un tipo de pan asta 1920, ma lo ce oji es conoseda como bagete ta esiste ante esta data. La parola en franses sinifia "basto", como en baguette magique (basto majial) o baguettes chinoises(cuais).
An si la bagete es oji frecuente videda como un de la simboles de la cultur franses videda de la stranjer, la asosia de Frans con panes longa presede tota refere a lo. La panes longa (e larga) ia es fada de la tempo de Louis 14, la longa e magra ia es fada de la dui de la sentenio 18 e, en la sentenio 19, alga ia es plu longa ca la bagete.
La 13 setembre 1993 la governa franses ia reconose la resta ofisial de la bagete e ia defini par lege la "bagete autentica", nomida baguette de tradition, cual sola pote es fada usante metodos antica. Esta categori ia es la resulta de la laboras de la istoriste Steven Kaplan, spesialiste en la istoria de la pan franses de 1700 a 1770. Kaplan ia coraji la franseses a rejeta la bagete moderna, cual ia clasi como blanda e sin olor, en favore de la tipos de pan franses orijinal. La secreta es la pratica de la sentenio 18 de lasa la fermento reposa en la note, lo cual lasa un pan con color crema en la interna e un sabor e odor plu pronunsiada, esente esta considerada plu basa ca la bagete moderna.