Cultur de campos de vasos
![](http://178.128.105.246/content-http-upload.wikimedia.org/wikipedia/commons/thumb/5/57/Europe_late_bronze_age.png/220px-Europe_late_bronze_age.png)
![](http://178.128.105.246/content-http-upload.wikimedia.org/wikipedia/commons/thumb/4/4f/Burgstallkogel_Sulm_valley.jpg/220px-Burgstallkogel_Sulm_valley.jpg)
![](http://178.128.105.246/content-http-upload.wikimedia.org/wikipedia/commons/thumb/6/60/Pfahlbauten_Bodensee_--_Steinzeitdorf_%287644121684%29.jpg/220px-Pfahlbauten_Bodensee_--_Steinzeitdorf_%287644121684%29.jpg)
![](http://178.128.105.246/content-http-upload.wikimedia.org/wikipedia/commons/thumb/d/d5/Urnfield_culture_001.jpg/220px-Urnfield_culture_001.jpg)
La cultur de campos de vasos (sirca 1300 a 750 aec) ia es un cultur de Europa sentra de la eda de bronze tarde. La nom deriva de la costum de seni la mor e pone sua senes en vasos cual ia es alora enterada en la campos. Tra multe partes de Europa, la cultur ia segue la cultur de tumulos e ia es segueda par la cultur Hallstatt. Lo es posible ce la popla de esta cultur ia parla un forma temprana de celta, posible la orijinal proto-celta.
La cuantia de vilas ia crese rapida, comparada con la cultur de tumulos presedente, an si poca ia es escavada completa. Vilas fortida, comun sur colinas o en curvas de rios, es tipal. Los es fortida par murones de petra o lenio. Escavas de vilas abrida es rara, ma los mostra ce casa grande con tre o cuatro coredores, construida sur postos de lenio e un mur de vim e arjila, es comun. casas partal sutera es trovada ance; los ia es posible usada per reserva furnis. A lagos de Deutxland sude e Suiz, multe abitadas sur palos ia es construida. Los es composada de casas simple de un sala de vim e arila, o construida de troncos.
La periodo de la cultur temprana (sirca 1300 aec) ia es un eda cuando la gerores de eruopa sentral ia es armurida pesosa, con elmos e scermos de bronze, e spadas formida como folias longa.
Entera
[edita | edita la fonte]La grandia de la campos ia varia. En Baiern, los ia conteni sentos de enteras, en cuando la semetero plu grande en Baden-Wurttemberg en Dautmergen ia ave sola 30 enteras. La mor ia es poneda sur piras, covreda con sua joalas personal, cual comun mostra trasas de la foco e a veses la ofres de comedas.
La osos de la seni pote es poneda en caveta simple. A veses, la cuantia de osos indica un contenador de material organica, e a otra veses, la oso ia es simple sperdeda.
Si la osos ia es poneda en vasos, estas ia es tipal covreda par un bol basa o un petra. En un tipo spesial de entera (la enteras campanin) la vasos ia es tota covreda par un vaso plu grande inversada. Sirca 12 enteras inclui vagones de cuatro rotas con partes de bronze.
Economia
[edita | edita la fonte]Boves, porcos, oveas, e capras ia es elevada en la periodo de campos de vasos, e ance cavalos, canes, e gansos. La boves ia es alga peti, con un altia de 1.2 m a la crus. Cavalos no es multe plu grande ca un promedia de 1.25 m.
Desforesti ia es intensa en la periodo de la campos de vasos. Probable, prados abrida ia es creada per la ves prima, a esta tempo, seguente analise de polen.
Trigo e orzo ia es cultivada, con legumes e la fava de visia. Semes de la papavera ia es usada per olio o como un medisin. Milio e avena ia es cultivada per la ves prima en Magiar e Boemia, segal ia es cultivada ja, ma plu ueste, lo ia es videda sola como un malerba. Lino pare es de importa reduida, posible car lana ia es usada per vestes. Nozetas, pomas, peras, prunas (de la pruno spinosa), e cuercas ia es colieda. Alga enteras rica ia conteni tamis de bronze cual ia es probable usada per vin.