Ban Ki-moon
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/thumb/7/70/Ban_Ki-moon_February_2016.jpg/220px-Ban_Ki-moon_February_2016.jpg)
Ban Ki-moon (Koreaons: 반기문; mèt Ban es femilienaom) (Chungju, 13 juni 1944) is 'ne Zuid-Koreaonsen diplomaot en polletieker. Vaan jannewarie 2004 bis november 2006 waor heer in de Zuid-Koreaonse minister veur Boetelandse Affaires en Handel. Vaan 1 jannewarie 2007 bis 31 december 2016 waor heer de sikkertaris-ginneraol vaan de Vereinegde Naties (VN), es d'n opvolger vaan Kofi Annan.
Véúr zie ministersjap vervölde Ban versjèllende aander functies in de polletiek en diplomatie. Zoe waor heer oonder mie d'n ambassadäör naomes Zuid-Korea in Oesteriek en waor heer veur versjèllende functies wèrkzaom in de VN. In 2018 kroog heer aon de Rieksuniversiteit vaan Greuninge 'n ieredoktoraot veur zien bijdrages aon de Klimaotakkoord vaan Paries en woort heer beneump tot veurzitter vaan de Global Commission on Adaptation, die vesteginge heet in de Nederlandse stei Greuninge en Rotterdam.
Ban sprik, neve ziene Koreaonse mojerstaol, ouch Ingels, Frans en Japans. Heer is getrouwd en heet mèt zien vrouw drei kinder.