Grafiet
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/thumb/9/94/Min_graphite.jpg/220px-Min_graphite.jpg)
Grafiet is e mineraal det besteit oet kaolstóf en ouch stabielsten allotroop van det elemèntj is. Grafiet tröf m'n aan in versjillendje saorte baom oppe aerd, mer ouch in meteorieten en maonstein. 't Is 'ne rilletief goje lektrikgeleier, wodoor 't owwel wuuert gezeen es 'n halfmetaal. 't Is veural bekandj es eine vanne gróndjstuf vanne stif in 'ne potloead.
Grafiet haet 'ne geläögendjen hexagonale struktuur. De laoge bestaon oet zèsheukige kaolstófring, wovan de sjemische binjing kan waere vergelee mit moleculair verbinjinge wie benzeen en naftaleen. De binjing tösse de laogen is sterk; zie waere gewuuenelik gestapeldj es -A-B-A-B-. Dit is de 2H-grafietstruktuur waat 't archetype is vanne isotypie zien A9-struktuur. Ouch haet 't nag 'n romboëdrische waergaaf aangetróffe mit -A-B-C-A-B-C-. De laoge sjuve mekkelik euver einanger haer, wodoor me grafiet kan broeken es e smeermiddel.