Kreis Mettmann
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Velbedersj, es te dit dialek sjpriks.
![](http://178.128.105.246/content-http-upload.wikimedia.org/wikipedia/commons/thumb/7/7e/Locator_map_ME_in_Germany.svg/150px-Locator_map_ME_in_Germany.svg.png)
![](http://178.128.105.246/content-http-upload.wikimedia.org/wikipedia/commons/thumb/c/cc/Municipalities_in_ME.svg/200px-Municipalities_in_ME.svg.png)
Kreis Mettmann is 'ne krink (Kreis) in 't weste vaan Noordrien-Wesfale (Duutsland). Dit Rienlands distrik ligk in 't Regierungsbezirk Düsseldorf, in 't historisch Bergisches Land. De hoofplaots (de stad mèt de Verwaltungssitz) is Mettmann. Behurende bis eine vaan de 31 kring in Noordrien-Wesfale (de 23 stei zoonder krink weure neet mètgetèld), heet 't 'n oppervlak vaan 407,22 km², 'n inwoenertal vaan 476.633 en 'n bevolkingsdeechte vaan 1170 de veerkante km (volgens de census op 13 dec 2013). Edere Noordriens-Wesfaalse krink weurt geriegierd door 'ne landraod (Landrat) in de hoofplaots. In Kreis Mettmann weurt 'n dialek gesproke dat päör taolkóndeg gezeen oonder 't Limbörgs vilt, umtot 't "Mettmannisch" gebruuk maak vaan 't Nederfrankisch wèrkwoord make(n), en neet 't Hoegfrankisch mache(n). Dit weurt strik genomme es sjeidslijn gebruuk tösse Limbörgs (make) en Ripuarisch (mache). Neettemin is 't plat vaan dizze krink, en ouch dat vaan Dusseldörp, zoe wiet beïnvloojd door 't Kölsj (wat gezeen weurt es 't cultureel hoofdialek vaan 't Ripuarisch) dat 'ne "Ripuaar" 't plaotslek dialek beter kin verstaon es 'ne Limbörger. Dit euvergensdialek vaan Limbörgs nao Ripuarisch weurt Bergisch geneump. De bekinde Neanderthaler is verneump nao dees regio.
De steij zien: