Laever
Uiterlijk
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/thumb/6/64/Leber_Schaf.jpg/220px-Leber_Schaf.jpg)
De laever (Grieks: hepar, Letien: iecur) is e wichtig en väölziejig orgaan bie gewèrveldje bieëster worónger de miens. Zie speeltj 'n wichtige rol in 't metabolisme. In 't miensjelik lief is die beveilig dore ungelste röbbe vanne bórskas, rechsbaoven inne boekholdje. Mit 'n massa van angerhalve kilogram en 20% van 't zoerstofverbroek is de laever 't actiefste orgaan, en nao de hoed 't zwaorste en nao 't herren ouch 't väölziejigste orgaan.
Functies
[bewirk | brón bewèrke]De laeverfuncties kónne waere verdeildj in drie houfgruup:
- Vasculair functie: de laever bevatj e betrèkkelik groeat blooddepot en kan biedragen ane erytropoëse.
- Secretoir functie: productie van gal. De gal wuuertj vervolges opgeslagen inne galblaos.
- Metabool functie: dees is hieël breid, beveurbeild:
- koolhydraatstofwisseling
- vètstofwisseling
- eiwitstofwisseling
- saccharidenaafbraak
- detoxificatie van stoffe
- hormoonaafbraak
- opslaag van iezer
De activiteite vanne laever levere zoväöl wurmdje op det daomit 't lief op temperatuur wuuertj gehaje.