Urk
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/e/ed/LocatieUrk.png)
Urk is e veurmaleg eiland, 'n gemeinte en 'n plaots in de Nederlandse provincie Flevoland, aon 't IJsselmeer. 't Ligk op 'ne kleileimbult, westelek in de Noordoospolder. De gemeinte had op 1 april 2016 20.042 inwoeners en 't oppervlak besleit, inclusief water, 109,92 km²; 't eiland allein besleit mer zoe 12 km².
![](http://178.128.105.246/content-http-upload.wikimedia.org/wikipedia/commons/thumb/b/b8/Urk.jpg/220px-Urk.jpg)
Urk is bekind es hendeg geïsoleerde eilandgemeinsjap. Houweleke mèt lui oet ander dörper zien dudelek in de minderheid. 't Plaotselek dialek, 't Urkers, is wel 't levendegs gebruukde vaan gans Nederland. De wèrkgelegeheid is einzijeg: zoe good wie edereine wèrk temeenste e tiedsje in de vèsserij. De bevölking steit bekind um zienen orthodox-christeleken aard.
Dörpsbeeld
[bewirk | brón bewèrke]![](http://178.128.105.246/content-http-upload.wikimedia.org/wikipedia/commons/thumb/1/19/Vuurtoren_Urk.jpg/220px-Vuurtoren_Urk.jpg)
Boete 't aajd eiland ligke inmiddels oetgebreide woenwieke en industrieterreine; 't centrum besleit haos 't gans eiland. 't Dörp heet 'n aontal typische vèsserhuiskes en e markant kèrkske. De jachhave weurt dèks aongedoon door toeriste.
Historie
[bewirk | brón bewèrke]Urk weurt veur 't iers geneump in 996, es d'n Duitse keizer 't eiland euverdeit aon 'n Utreis kloester. In de iewe daonao verkleint d'n umvaank vaan 't eiland ummer mie, tot d'n huidegen umvaank bereik weurt. Vaanaof 1660 behuurt Urk, mèt Emmeloord op Schokland, tot de gemeinte Amsterdam, die zörgdraag veur de waterkiering dao. In de negentiende iew weurt Urk 'n eige gemeinte en kump 't bij Noord-Holland. In 1939 weurt 't eiland mèt 'nen diek mèt 't vasteland verboonde en in 1942 kump de Noordoospolder veerdeg, dee 't eiland oet zien ergste isolemint haolt. Vaanaof 1950 huurt 't bij Euveriesel, en in 1986 weurt Urk bij de nui gevörmde provincie Flevoland geveug.
Externe link
[bewirk | brón bewèrke]![]() | |
---|---|
Almere · Dronten · Lelystad · Noordoospolder · Urk · Zeewolde |