Vlorp
Dit artikel is gesjreve (of begós) in 't Vlorps. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/thumb/f/fb/Maharishi_Vedic_University_Vlodrop_Holland.jpg/220px-Maharishi_Vedic_University_Vlodrop_Holland.jpg)
![](http://178.128.105.246/content-http-upload.wikimedia.org/wikipedia/commons/thumb/0/0e/Kolleg_St_Ludwig02.jpg/220px-Kolleg_St_Ludwig02.jpg)
Vlorp (ouch Vlórp; Mofers: Vloearep; Nederlands: Vlodrop) is 'n dörp aan de Pruse grèns in de gemeinde Roerdale.
Naeve de dörpskomp Vlorp besteit de kèrn ouch oet 't gehuch Vlorp-Statie en de buurgesjap Etsberg. In 't boetegebied lèk ouch 't Nationaal Park De Mienwaeg, mit de residentie van de Maharishi Mahesh Yogi en 't veurmalèg St.-Ludwigscolleesj.
Vlorp wurt in 943 in 'n oorkunde van de Utrèchse bisjop Balderik veur 't eers genömp, es plaats in 't stif van Berg (Sint-Odiliënberg). Vanaaf 1277, wie det stif opgehaeve woor, vormde 't ein parochie mit Postert; in detzilfde jaor woor ouch de sjepebank veur Vlorp en Posjtert same opgerich. Same mit vief anger sjepebenk besteurde die 't Amb Mofert en kwaam 't dörp in leen bie de edelman Reinoud van Gelder.
Tot 1991 waar Vlorp 'n zelfstanjèg gemeinde, tot ze det jaor bie Melik en Hèrkebosj gevoeg woor; die gemeinde woor in 1993 hernömp tot Roerdale.
Gerard Krekelberg, 'ne inweuner van Vlodrop sjreef de Nederlandse teks van 't Limburgs volksleed én de teks van 't Vlorps volksleed (Noe ouch van Melick) . Van Häöm sjteit e sjtandbeeld in bróns tegeneuver de Martinuskèrk.
![]() | |
---|---|
Dörper: Berg · Ètsberg · Hèrkebósj · Lerop · Melik · Mofert · Paalder · Postert · 't Räötje · Vlorp | |
Gehuchte en buurtsjappe: Aan 't Brook · Ane Berg · Annedaol · De Berg · De Borg · De Donk · De Hols · De Varsj · De Watersjei · Mienwaeg · Oppe Roskam · Reutebàk · Tösje de Brögke · Varsjerveld · Vlorp-Stasie · 't Zittert | |
Angers: De Berg · Reewoude · Wensberg |