Etæ do færo
ZE
|
Quésta pàgina a l'é scrîta in léngoa zenéize
![]() A Grafîa adeuviâ a l'é quélla de l'Académia Ligùstica do Brénno |
![](http://178.128.105.246/content-http-upload.wikimedia.org/wikipedia/commons/thumb/e/ee/Hallstatt_LaTene.png/350px-Hallstatt_LaTene.png)
L'etæ do færo ìndica in perîodo da preistöia o protostöia eoropêa caraterizâ da l'ûzo da metalurgîa do færo, sorviatùtto pe-a fabricaçión de àrmi e uténscili, e che o conprénde in perîodo ch'o va ciù ò mêno da-a fìn do II milénio a tùtto o I milénio a.C. (o coménsa in gîo a-o XII sécolo a.C. into móndo mediterànio e into Vixìn Levànte; tra o IX e o VIII sécolo a.C. inte l'Eoröpa setentrionâle. L'ûzo de sto nêuvo materiâle o coincìdde spésso co âtri cangiaménti inta socjetæ, tramêzo a-i quæ divèrse pràtiche agrìcole, credénse religiôze e stîli d'àrte.
Vixón generâle
[modìfica | modìfica wikitèsto]L'etæ do færo a l'é l'ùrtimo di perîodi principâli into scistêma a træ pàrte adêuviòu pe-a clasificaçión de socjetæ preistöiche. In Eoröpa e into Vixìn Levànte a végne dòppo l'etæ do brónzo.
Cómme pe-i âtri perîodi da preistöia, i seu lìmiti cronològichi càngian asæ a segónda do contèsto giögràfico e colturâle. Çèrtidùn civilizaçioìn no àn mâi conosciûo l'etæ do færo, scibèn ch'àn in svilùppo sociâle e/ò técnico notévole, cómme prezénpio e civiltæ precolonbiànn-e.
A-a giornâ d'ancheu, o tèrmine no ìndica 'na fâze cronològica ò in stàdio evolutîvo, benscì a prezénsa de 'na técnica ch'a l'avéiva infloensòu a civiltæ de çèrtidùn coltûe, spécce in Eoröpa, inte 'n mòddo profóndo e de duâta. In particolâ, tramêzo a-e civiltæ ch'àn conosciûo l'etæ do færo, ghe són:
- i Dòri 'nta Grêcia antîga;
- i Etrùschi vilanovién inta Etrùria (inta atoâle Toscànn-a, a Tarquìnia, into Làçio, inta Cianûa Padànn-a, e inta Canpània);
- i Picêni 'nte regioìn a-a giornâ d’ancheu conosciûe cómme Màrche e Abrùsso;
- i Latìn into Làçio antîgo;
- i Véneti 'nte l'àrea a èst de Verónn-a;
- i Cèlti, co-e coltûe de Hallstatt e de La Tène;
- i Germànichi;
- i Nuràgichi inta Sardégna;
- i coscì dîti Popoli do mâ into Vixìn Levànte.
Atri progètti
[modìfica | modìfica wikitèsto]Wikimedia Commons a contêgne di files in sce Etæ do færo
Contròllo de outoritæ | LCCN (EN) sh85068153 · GND (DE) 4014102-0 · BNF (FR) cb11946304b (data) · NDL (EN, JA) 00572799 |
---|