Natalino Otto
ZE
|
Quésta pàgina a l'é scrîta in léngoa zenéize
![]() A Grafîa adeuviâ a l'é quélla de l'Académia Ligùstica do Brénno |
Nasciûo a Coghêuo do 1912 comme Natale Codognotto e mòrto a Milàn do 1969, o l'é stæto un cantànte, produtô e editô muxicâle, e o prìmmo a portâ o Swing in Italia.
![](http://178.128.105.246/content-http-upload.wikimedia.org/wikipedia/commons/thumb/3/31/Natalino_Otto_and_Flo_Sandon%27s_1959.jpg/250px-Natalino_Otto_and_Flo_Sandon%27s_1959.jpg)
Cariêra
[modìfica | modìfica wikitèsto]O l'a incomensòu a cantâ in Ligùria ma ben fîto o l'a dovûo anâ a cantâ in scî vapöri da croxêa con, tra di âtri, o Joe Sentieri. L'êa lì che o l'aveiva descovèrto a mûxica Americann-a di anni 30. Do 1934 o l'incomensa a travaggiâ a New York pe 'na radio Italo-Americann-a e, a-o ritòrno in Italia, o canta cansoin inspiræ a-a mûxica Swing. Apreuvo a-o faeto che quelli êan i ténpi de l'outarchia, e seu cansoin no poeivan êse transmisse a-a radio naçionâle, tànto che l'EIAR a e ciamâva "barbara antimusica negra".
Scibén che e seu cansoin no pasesàn a-a radio, i seu dischi êan diventæ famôxi, coscì comme a seu colaboraçion co-o méistro Gorni Kramer, e fâvan balâ tùtta l'Italia tanto che o ciamâvan "il re del ritmo".
Cîne e Festival de Sanrémmo
[modìfica | modìfica wikitèsto]O l'a reçitòu inte tante pelìcole de sucèsso inti anni 40, comme prezénpio "Tutta la citta' canta", "La casa senza tempo" e "Carosello del varietà". O l'a parteçipòu a çinque festival e o seu mêgio rizultâto o l'e stæto do 1955 co-a canson "Canto nella valle". Do mæximo anno o s'è maiòu co-a cantante Flo Sandon e insémme àn avûo unn-a figgia, Silvia.
Anni 60 e mòrte
[modìfica | modìfica wikitèsto]Inte questi anni o diventa ascì produtô e o fonda l'etichétta Telerecord, co-a quæ o ri-pùblica tùtte e seu cansoin. O l'a lasciòu unn-a discogràfia inportante con ciù de 2000 cansoin tra e quæ e ciù avoxæ son "Biriei", Ho un sassolino nella scarpa, Mamma voglio anch'io la fidanzata, "Birimbo birambo", "Mister Paganini", "Polvere di stelle", Op op trotta cavallino, "Natalino studia canto", "Lungo il viale", "La classe degli asini", "No Jazz", "Fidanzatina", e "Laura".
O l'è mòrto a Milan do 1969 pe problémi de cheu.
E Cansoin in Zeneize
[modìfica | modìfica wikitèsto]Inti anni 50 e 60 o l'a cantòu ascì tànte cansoin in Zeneize scrîte da-a cóbia Reverberi-Calabrese: "Zeneizinn-a", "Madænn-a" (dedicâ a-a stradda inti caroggi de Zêna), "Bæxinn-a", "A mi o me piaxe", "Ario", "Bossa figgeu", "O pescòu", "Têxo" e "Me son inamoòu de ti" son e ciù conosciûe. Son un patrimònio inportante da nòstra mûxica, léngoa e coltûa. O l'é stæto segûamente un di ciù inpòrtanti cantanti nasciûi in Ligùria.
Video in sce Youtube
[modìfica | modìfica wikitèsto]- Sciacæ chi pe sentî a canson "Madænn-a"
- Sciacæ chi pe sentî a canson "Baexìnn-a"
- Sciacæ chi pe sentî a canson "Bossa figgeu!"
Atri progètti
[modìfica | modìfica wikitèsto]Wikimedia Commons a contêgne di files in sce Natalino Otto
Contròllo de outoritæ | VIAF (EN) 87116779 · ISNI (EN) 0000 0000 5994 7654 · Europeana (EN) agent/base/151558 · LCCN (EN) no2012113687 · GND (DE) 1019296771 · BNF (FR) cb138354644 (data) · BNE (ES) XX1343687 (data) · WorldCat Identities (EN) no2012-113687 |
---|