Me l'ho un poco ciù astreita, e da ra porpa
E me l'ho ciu allargá,
E ciù in zù da ro fuso
Me l'ho tegnua ciù stiggia,
Con restrenzeghe o pointo
Per fin'a ra caviggia,
E puoe senz'atro poso
Gh'ho feto o pointo a rioso,
Per faghe ro ganuoeffano
Sorve ra Mantovanna,
Ra qua ho feta ciu larga fi a o carcagno,
Per faghe investí miegio ro tascello,
Che a grosciessa dro pé gh'intre a livello,
Da puoescia in tro scappin
L'ho streita assottiggiá fin a ra zimma,
Perche ro pié ghe seze ben de rimma,
E in fin con aggoggieure un po ciù sode
In ra zimma dro pé
Gh'ho feto ro sò groppo chi ghe ciode.
Se l'ho feta cosie
Perche ve lamenté?
Miregh'un poco lie,
E puoé no rangogné.
Man. Sentí ch'accoentá?
Che moddo de parlá?
Te darò ro to resto, sfacciadonna,
Che ti n'oe travaggiá, impertinentonna.
Miré un po se l'e bella?
Te crei che no ghe vegghe,
Cos'è sto to lavó
Feto li a somboron? Te pá ben feto
Questo tascello chi dra mantovanna?
Pagina:Ricci176.djvu/583
![](http://178.128.105.246/content-http-upload.wikimedia.org/wikipedia/commons/thumb/6/68/Ricci176.djvu/page583-960px-Ricci176.djvu.jpg)