Galileo Galilei
![](http://178.128.105.246/content-http-upload.wikimedia.org/wikipedia/commons/thumb/c/cc/Galileo.arp.300pix.jpg/220px-Galileo.arp.300pix.jpg)
![](http://178.128.105.246/content-http-upload.wikimedia.org/wikipedia/commons/thumb/8/88/Galileo_facing_the_Roman_Inquisition.jpg/220px-Galileo_facing_the_Roman_Inquisition.jpg)
El Galileo Galilei, (Pisa, 15 de febrar 1564 - Arcetri, 8 de genar 1642), a l'è staa on fisegh, astrònom, matemategh e filosof italian, consideraa el pader della scienza moderna. El so nomm a l'è associaa a di important contribuu in dei camp de la dinamica e de la astronomia ('me el perfezionament del telescopi che'l g'ha permettuu de desquattaa i satelliti de Giove) e in de l'introduzion del metod scientifegh (ciamaa despess metod galileian). De granda importanza l'è staa anca el so sostegn al sistema eliocentrich e a la teoria copernicana. A l'è staa on personagg central de la Rivoluzion scientifega.
Sospettaa de vess eretich per i so teorij scientifeghe e accusaa de dagh adoss a la filosofia aristotelega e a i Sacher Scrittur, a l'è staa processaa e condannaa dal Sant'Uffizi[1] e anca obligaa el 22 de Giügn del 1633 a rinegà tucc i so idee astronomeghe per poeu vess mandaa al confini in de la soa villa de Arcetri. Domà 359 agn despoeu, el 31 de otober del 1992, el papa Giovann Paol II el g'ha deciaraa recognossuu "i error faa" da la Gesa, a mett inscì conclusion a i lavor de ona session plenari fada sù aposta e scomenciada in del 1981.