Tropopausa
Câa
![](http://178.128.105.246/content-http-upload.wikimedia.org/wikipedia/commons/thumb/a/a2/Atmosfera-it.svg/220px-Atmosfera-it.svg.png)
La tropopausa al’è el strato de atmosfera che ‘l separa la troposfera, indoe succeden in fenòmen meteorològich, de la stratosfera, che l’è on strat stabil. Se troeuva a ona quòta media de 12 km, ma la soa quòta la varia da circa 8 km ai pòli a circa 17 km in sul’equator. El spessor l’è variàbel e condizionàa da la latitudin e di Stagion. La temperadura a l’è pussée alta in sui poli che in sul’equator e, in condizion de atmosfera standard, el sò valor medi a l’è de circa −57 °C; chèla temperadura chì la restarà costanta ind la stratosfera fin a l'altèzza de circa 20 km indoe peou la tachèrà de noeuv a’ndà su. On cicinin sòta la tropopausa el comenza el fenòmen di Corrent a gètt che la soa velocità l’è alta (200-300 km/h).