Kenthang
?Kenthang | ||||||||||||||||
---|---|---|---|---|---|---|---|---|---|---|---|---|---|---|---|---|
![]() | ||||||||||||||||
Klasifikasi ilmiah | ||||||||||||||||
| ||||||||||||||||
Jeneng binomial | ||||||||||||||||
Solanum tuberosum L. |
Kenthang (Solanum tuberosum L.) kuwe tanduran sekang suku Solanaceae sing nduwèni umbi batang sing teyeng dipangan lan uga diarani "kenthang".[1] Umbi kentang sekiye wis dadi salah sawijiking panganan pokok wigati nang Eropah senajan wiwitané ditekakaké sekang Amérika Kidul.[1]
Penjelajah Spanyol lan Portugis pisanané nggawa maring Eropa lan mbudidayakna tanduran kiye nang abad XVI.[1] Ora suwé, menu anyar kiye sumebar nang saindhenging Eropah. Jroning sajarah migrasi wong Eropa maring Amérika, tanduran kiye tau dadi pemicu utama perpindhahan bangsa Irlandia maring Amérika nang abad ka-19, rikala kadadéyan wabah penyakit umbi nang dharatan Irlandia sing diakibatna déning sajikis jamur sing diarani ergot.[1]
Wektu mlebu Indonesia, wiwitané dianggep panganané wong Walanda.[1] Ningen mbaka sethithik sabanjuré wong pribumi uga mèlu mangan kenthang. Kabuktèn panganan sing digawé sekang kenthang teyeng ditampa déning masyarakat lan dadi lawuh kaluwarga Indonésia.[1] Contoné sambel gorèng kenthang, perkedel, kroket, kering kenthang, lan sapanunggalé.[1]
Biologi
[sunting | besut sumber]Tanduran kenthang kuwe salah sijiné tanduran budidaya tetraploid (2n = 4x = 40). Asalé sekang Amérika Kidul lan wis dibudidayakaké déning pedunung nang kana wiwit éwon taun kapungkur. Tanduran kiye minangka herba (tanduran cendhèk ora duwé kayu), samusim lan seneng marang hawa adhem. nang daerah tropis cocok ditandur nang dhataran dhuwur.[1]
.
Kembang sampurna lan kasusun majemuk. Ukuran cukup gedhé, diameter udakara 3cm.[1] Warnané sekang ungu nganti putih.[1]
Kenthang nggawé tuber nang jero lemah lan dadi sarana anakan sacara vegetatif.[1] Jroning budidaya kenthang, panangkaran bibit migunakaké cara iki, saéngga karagaman kenthang nang tegalan sithik banget lan andadèkaké rentan sekang gangguan ama utawa panyakit.[1]
Gizi
[sunting | besut sumber]Kenthang teyeng nawaraké racun. Penawar racun alami kanggo asam sing asidosis.[1] Kenthang uga penting kanggo mbiyantu thukule baktéri nang awak. Kenthang ngandhut garam alkali sing ndadékna kenthang dadi panganan sing kalebu basa paling kuwat.[1] Awit kuwe,kenthang migunani banget kanggo njaga cadhangan alkali nang awak.[1]
Kenthang nduwéni akéh gizi..[1] kayata potassium, vitamin C, vitamin B1, B2 lan B3.[1] Saliyané kuwe, kenthang uga ngandhut protein lan zat besi.[1]
Kenthang ngandhut potasium sing akéhé ping pindhoné potassium sing ana nang gedhang. Kenthang pas yèn dipangan wong sing nduwé penyakit diabétes.[1] Kenthang uga dadi sumber paling apik kanggo zat besi nang getih.[1] Manfaat liyané, kenthang teyeng njaga ketahanan awak, awit kenthang ngandhut vitamin lan kalsium sing dhuwur.[1]
Khasiat
[sunting | besut sumber]Miturut panalitén, jus kentang mentah teyeng ngurangi penyakit sing nyerang sendi-sendi utawa sing diarani arthritir, radang otot utawa rematik.[2] Lara sing disebabna salah urat utawa ketliyer, lara amarga kebakar, teyeng ditambani kanthi némpélna irisan kentang nang panggonan sing lara, kurang luwih 15 menit.[2] Kenthang uga ngurangi rasa lara, lan baktéri.[2]Saos kenthang biyasane kanggo saos salad sing teyeng ngurangi rasa lara.[2] Parutan kentang sing ditémplékaké nang kelopak mripat teyeng ngilangana noda ireng nang mripat utawa sing diarani dark circles lan yèn dicampur karo krim teyeng ngurangi kerutan.[2]
Kenthang uga teyeng mutihna lan ngalusna tangan.[2] Kenthang teyeng dadi menu alternatif kanggo diét, amarga kenthang ngandhut karbohidrat kanggo ngganti sega.[2] Vitamin C nang kenthang uga teyeng ngobati kutil, carane olésna irisan kenthang mentah nang kutil.[2] Kenthang ngandhut atropine sing teyeng ngurangi asam lambung lang teyeng kanggo tamba maag.[2] Zat lysine uga teyeng mbantu pertumbuhan awak lan otak.[2] Kenthang uga teyeng kanggo tamba mripat sing kesel, ngilangaké aboh nang mripat.[2]
Kenthang uga ampuh kanggo ncegah hipertensi.[2]
Asil olahan
[sunting | besut sumber]- donat kenthang[3]
- perkedel[4]
- sambel goreng kenthang [5]
- kenthang goreng[5]
- bolu kenthang[5]
- sup krim[5]
- mangkuk kenthang[5]
- cheese potato[5]
- kripik kenthang[5]
Kenthang nang pasaran
[sunting | besut sumber]![](http://178.128.105.246/content-http-upload.wikimedia.org/wikipedia/commons/thumb/a/a8/Various_types_of_potatoes_for_sale.jpg/250px-Various_types_of_potatoes_for_sale.jpg)
Ing pasar, kenthang dipisah-pisahaké miturut ukurané lan diarani kualitas A, B, C, lan D. Kualitas A yakuwe sing paling apik.[1] Panyebutan 'kenthang kualitas AB' maknané campuran sekang kualitas A lan B.[1]
Delengen uga
[sunting | besut sumber]- Kenthang ireng (kentang kleci)
![]() |
Wikimedia Commons nduweni galeri babagan: |
Chatetan suku
[sunting | besut sumber]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 1,22 (Indonesia)http://www.kabarinews.com(dipunundhuh tanggal 13 Mei 2011)
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 (Indonesia)http://www.gizi.net(dipunundhuh tanggal 13 Mei 2011)
- ↑ (Indonesia)http://inforesep.com(dipunundhuh tanggal 13 Mei 2011)
- ↑ (Indonesia)http://www.tabloidnova.com(dipunundhuh tanggal 13 Mei 2011)
- ↑ 5,0 5,1 5,2 5,3 5,4 5,5 5,6 (Indonesia)http://www.femina-online.com (dipunundhuh tanggal 13 Mei 2011)
Galeri
[sunting | besut sumber]-
perkedél kenthang
-
sambel goréng kenthang
-
tart kenthang tapé
-
mesin panén kenthang
-
sega kuning ana kenthang goréngé
-
bingka kenthang
-
kenthang bentuk cinta
-
kenthang
-
wit kenthang
-
kenthang thukul