Lorazepam
![](http://178.128.105.246/content-http-upload.wikimedia.org/wikipedia/commons/thumb/d/d1/Loratsepaamiin_perustuvia_l%C3%A4%C3%A4kkeit%C3%A4.jpg/220px-Loratsepaamiin_perustuvia_l%C3%A4%C3%A4kkeit%C3%A4.jpg)
Lorazepam adolah ubek nan digunoan untuak mangatasi raso cameh di badan.[1] Ubek iko tamasuak ka golongan benzodiazepine nan bakarajo di utak jo saraf (sistim saraf pusat), dek karano itu bisa manimbuakan raso tanang. Lorazepam dimakan manuruik apo nan disuruah dek dotor, atau tanago kasihata. Indak buliah maminum ubek ko sumbarangan.[2][3]
Fungsi lorazepam adolah untuak maningkekan efek GABA (gamma-aminobutirat). GABA ko bafungsi untuak maambek respon-respon psikologis nan marugian. Efek GABA dalam tubuah maningkek dek mamakan ubek lorazepam ko, akibaiknyo pikiran akan manjadi labiah tanang.[4]
Lorazepam ko awalnyo dipatenkan pado taun 1963, jo mulai dijua di Amerika Serikat pado taun 1977.[5][6] Lorazepam alah masuak dalam daftar ubek penting dari organisasi kasihatan dunia (WHO). Ubek ko tamasuak ubek nan aman jo nan diparaluan di dunia kasihatan.[7] Kini lorazepam alah ado tasadio dalam bantuak ubek generik.[8] Pado taun 2017, lorazepam adolah ubek ka 60 nan paliang acok diresepkan di Amerika Serikat nan alah diagiahan labiah dari 12 juta resep.[9][10]
Efek sampiang
[suntiang | suntiang sumber]Satiok ubek punyo efek sampiang pado urang nan mamakannyo, tiok-tiok urang bisa babeda reaksinyo. Efek sampiang nan bisa ditimbuakan dek mamakan lozepam ko diantaronyo adolah:[2] [3]
- mangantuak
- paniang
- badan latiah bana
- payah lalok
- acok lupo
- payah bakosentrasi
- mual
- indak napsu makan
- sakik kapalo
- mangantuak
- lamah otot
Ado pulo efek sampiang nan labiah parah nan katiko tajadi harus capek kecekan ka dotor. Diantaronyo:[2] [3]
- muntah
- badan bakaringek
- gata-gata
- sasak angok
- bangkak di muko, bibia, lidah atau tanggorokan
- bingung tibo-tibo
- takana ka bunuah diri
- payah bajalan
- payah mangecek dek lidah kaku
- bahalusinasi surang sajo
- tangan jo kaki tibo-tibo taraso lamah
Ubek lorazepam memang bafungsi untuak mangurangi gangguang parasaan cameh jo katergantungan nan marugian pado zat tatantu, takah alkohol. Tapi kamungkinan muncua efek sampiang nan tajadi sasudah mamakan ubek ko paralu pulo dipikiaan jo diantisipasi. Dek karano itu, maminum ubek ko harus jo resep sarato pangawasan dari dotor. Panggunoan jo baranti mamakan ubek ko sacaro tibo-tibo indak buliah dilakuan karano bisa babahayo ka tubuah.[4]
Rujuakan
[suntiang | suntiang sumber]Daftar Pustaka
[suntiang | suntiang sumber]- "Lorazepam". Alodokter. 2015-04-16. Diakses tanggal 2020-04-14.
- "Lorazepam | Fungsi, Cara Pemakaian, Dosis, Efek Samping". SehatQ (dalam bahasa Indonesia). 2019-06-04. Diarsipkan dari versi asli tanggal 2020-10-02. Diakses tanggal 2020-04-14.
- "Lorazepam : Fungsi, Dosis, Efek Samping, Cara Pakai". Hello Sehat (dalam bahasa Indonesia). Diakses tanggal 2020-04-14.
- Putrikrislia, Ursula Penny (2016-05-27). "Obat Lorazepam: Dosis, Indikasi, Efek Samping". Informasi Kesehatan dan Tips Kesehatan - Dokter Sehat (dalam bahasa Indonesia). Diarsipkan dari versi asli tanggal 2020-10-24. Diakses tanggal 2020-04-14.
- World Health Organization model list of essential medicines: 21st list 2019. Geneva: World Health Organization. 8 Agustus 2019. WHO/MVP/EMP/IAU/2019.06. License: CC BY-NC-SA 3.0 IGO.
- Shorter, Edward (2005). "B". A Historical Dictionary of Psychiatry. Oxford University Press. ISBN 978-0-19-029201-0. https://books.google.com/books?id=juAJCAAAQBAJ&pg=PT66.
- "5-monocyclic aryl-1, 3-dihydro-2h-1, 4-benzodiazepin-2-ones".
- "Lorazepam". drugs.com. American Society of Health-System Pharmacists. June 29, 2016. Diarsipkan dari versi asli tanggal 5 June 2016. Teks "ref CITEREFdrugs.com2016
" akan diabaikan (bantuan);
- "The Top 300 of 2020". ClinCalc. Diakses tanggal 16 April 2020.
- "Lorazepam - Drug Usage Statistics". ClinCalc. Diakses tanggal 16 April 2020.