Marunggai
Marunggai adolah jenis tanaman sagudang manfaaik yang barasa dari suku tumbuahan Moringaceae mampunyoi namo lain Moringa Oleifer dalam bahaso Indonesia disabuik Kelor. Marunggai marupokan tanaman nan bisa tumbuah subur sacaro capek, bisa tumbuah dalam wakatu nan lamo atau baumua panjang, bisa tumbuah didataran tinggi baiak didataran randah. Biasonyo marunggai ditanam di parak, ado juo nan mananam marunggai untuak dijadian paga ladang.[1]
Klasifikasi Ilmiah Marunggai
[suntiang | suntiang sumber]Kingdom : Plantae
Divisio : Magnoliophyta
Class : Magnoliopsida
![](http://178.128.105.246/content-http-upload.wikimedia.org/wikipedia/commons/thumb/e/ef/Marunggai.jpg/220px-Marunggai.jpg)
Ordo : Brassicales
Famili : Moringaceae
Genus : Moringa
Spesies : Moringa oleifera L. [2]
Panjalehan Tentang Marunggai
[suntiang | suntiang sumber]Marunggai marupokan salah satu tumbuahan yang mampunyoi banyak kagunoan tarutamo dalam bidang kesehatan. Biasonyo marunggai tumbuah lia diparak-parak jo ditapi jalan. Tapi kiniko lah mulai jarang kito tamui. Kiniko lah banyak pulo urang nan mambudidayakan tumbuahan marunggai ko. Marunggai tumbuah barupo samak jo batang, tinggi batangnyo bisa mancapai 7-11 meter, leba batangnyo kiro-kiro 30 Cm. Kayu dari batangnyo ko marupokan jenis kayu lunak sarato kualitas kayunyo randah.
Daun dari marunggaiko dketek saketek ujuang jari, daunnyo agak basirip tapi ndak bagitu jaleh. Halaian daunnyo bawarna ijau tuo pucuaknyo bawarna ijau lunak. Bantuak daunnyo bulek agak lonjong, panjang daunnyo 2-3 Cm, leba daunnyo 4Mm - 1 Cm. Kulik aka dari marunggai agak babaun bawarna agak coklat, jenis akanyo aka tunggang. Marunggai babuah kalau lah baumua 12-18 bulan.
Sejarah Singkek Marunggai
[suntiang | suntiang sumber]Marunggai mulai dimanfaaikan sakitar 2000 tahun SM atau 5000 tahun silam di India utara. Marunggai disangko barasa dari Agra jo Oudh nan talatak di Himalaya (India). pado maso itu masyarakaik kuno India alah mambudidayakan tanaman Marunggai ko. Karano banyaknyo tadapek minyak nabati didalam incek marunggai ko nan digunoan untuk ubek.[3]
Kandungan yang Tadapek Dalam Marunggai
[suntiang | suntiang sumber]1. Vitamin A
2. Vitamin C
3. Flavonoid
4. Fitosterol
5. Kalsium, Potasium, jo Kalium
6. Zat Basi[4]
Kagunoan Marunggai
[suntiang | suntiang sumber]1. Untuak ubek
2. Untuak bahan makanan
3. Untuak kecantikan
4. Untuak dijadian teh
5. Untuak dijadian sayua atau gulai
Manfaaik Marunggai
[suntiang | suntiang sumber]Dalam Kesehatan
[suntiang | suntiang sumber]1. Mencegah Kanker
2. Manyihekan Mata
3. Manurunan Kadar Gulo
4. Antioksidan
5. Manurunan Kolesterol
6. Gizi untuak Ibu Menyusuan
7. Manyihekan Pancernaan
8. Manjago Fungsi Utak
9. Manyihekan Tulang
10. Maubekan Asma
11. Mancegah Gangguan Ginjal
Dalam Kecantikan
[suntiang | suntiang sumber]1. Mancegah panuoan
2. Mangatasi bibia karing
3. Mancerahkan kulik
4. Mangatasi jirawek
5. Mampaketek pori-pori[5]
Produk nan didapek dari olahan marunggai
[suntiang | suntiang sumber]1. Kapsul
2. Teh
3. Ekstrak daun marunggai
4. Masker untuak muko
Rujuakan
[suntiang | suntiang sumber]
- ↑ "Kelor (Moringa oleifera L.) | CCRC" (dalam bahasa Inggris). Diakses tanggal 2019-11-30.
- ↑ "Kelor (Moringa oleifera L.) | CCRC" (dalam bahasa Inggris). Diakses tanggal 2019-11-30.
- ↑ "Asal-usul Daun Kelor". SUMEKS.CO (dalam bahasa Indonesia). 2019-01-07. Diakses tanggal 2019-11-30.
- ↑ Media, Kompas Cyber. "Intip Berbagai Manfaat Daun Kelor untuk Kesehatan Halaman all". KOMPAS.com (dalam bahasa Indonesia). Diakses tanggal 2019-11-30.
- ↑ Wiyanti, Widiya. "Kandungan Daun Kelor yang Sangat Bermanfaat Bagi Kesehatan". detikHealth (dalam bahasa Indonesia). Diakses tanggal 2019-11-30.